Meyvə-tərəvəzlərdəki "zəhəri" necə təmizləyək? - EFFEKTİV ÜSULLAR
Artıq sirr deyil ki, meyvə-tərəvəzlərdə bakteriya, virus və zərərvericilərin təsirini aradan qaldırmaq üçün pestisidlərdən istifadə olunur. Odur ki, onlar yeməzdən əvvəl yuyulmazsa, kimyəvi maddələr bədəndə toplanır və xəstəlik törədir. Bəs pestisidləri meyvə-tərəvəzlərdən çıxarmaq mümkündürmü?
Milli.Az xəbər verir ki, pestisidlər tənəffüs, qan dövranı, ürək-damar sistemi, qaraciyər, böyrək və həzm sisteminə mənfi təsir edə bilər. Ekspertlərin sözlərinə görə, bu səbəbdən də pestisid qalıqlarını təzə meyvə və tərəvəzlərdən çıxartmaq vacibdir.
Türkiyəli dietoloq Gökce Bönce bu maddələrin zərərli təsirlərindən qorunmaq üçün təbii şəraitdə yetişdirilən məhsullar almağı məsləhət görüb:
"Bugünkü şəraitdə təbii şəkildə yetişdirilən meyvə-tərəvəz tapmaq və ya almaq həmişə mümkün olmur. Onların üzərindəki pestisid qalıqlarını təmizləmək üçün çoxları sirkəli su ilə yuyur. Lakin bu qalıqları minimuma endirməkdə təsirli deyil, sadəcə mikroorqanizm yükünü azaldır.
Tədqiqatlar göstərib ki, sirkə suyu pestisid qalıqlarının təsirini daha da artırır. Suya sirkə əlavə etməkdə əsas məqsəd, turşu yuyucu mühit yaratmaq və kifayət qədər yuyulmadığı təqdirdə yeməkdə ola biləcək zərərli maddələri təmizləməkdir. Ancaq bu gün tez-tez istifadə olunan pestisidli məhsullar kifayət qədər yuyulmadığı üçün bədənə daxil olur. Bu da onların zərərli təsirlərinin uzun müddət davam etməsinə səbəb olur.
Meyvə və tərəvəzləri 10 qram biokarbonatla qarışdırılmış 1 litr suda ən azı 8 dəqiqə yuyun. Bu, pestisidlərin təmizlənməsində effektli olacaq. Sirkəli suda da meyvə-tərəvəzləri bir daha yuyaraq bakteriyalardan təmizləndiyinə əmin ola bilərsiniz". (publika.az)
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.