Kolumbiyanın Antokiya vilayətində qızıl mədənində uçqun baş verib. Təbii fəlakət anı bölgədə çəkiliş aparan operatorun obyektivinə tuş gəlib. Mədən işçiləri 20 metr dərinlikdə sudan qızıl xəkəsi yığmağa çalışarkən bir anda torpağın bir hissəsi uçaraq boşluğa dolur. Uçqun nəticəsində yaranmış dalğa insanları sahilə atır. Lakin torpağın altında qalanların da olduğu ehtimal edilir. Rəsmilər hələlik bu barədə heç bir açıqlama verməyiblər. Hadisənin baş verdiyi mədəndə işçilərin qanunsuz çalışdığı məlum olub.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.