Boston marafonu 124 illik tarixində ilk dəfə keçirilməyəcək
Boston marafonunun təşkilatçıları koronavirus pandemiyası səbəbindən cari il yarışını ləğv etmək qərarına gəliblər.
Trend-in İnterfaks-a istinadən verdiyi məlumata görə, bu barədə yarışın mətbuat xidməti xəbər yayıb.
Məlumatda bildirilir ki, daha əvvəl keçirilməsi 2020-ci ilin 20 aprel tarixinə planlaşdırılan və sonradan 14 sentyabr tarixinə təxirə salınan marafon bu il keçirilməyəcək.
"Əsas prioritetimiz cəmiyyətin, eləcə də işçilərimizin, iştirakçıların, könüllülərin, tamaşaçıların və azarkeşlərin sağlamlığını qorumaqdır", - marafonunun icraçı direktoru Tom Qrilk deyib.
Qeyd olunur ki, bütün qeydiyyatdan keçənlərə ödənilən giriş haqları qaytarılacaq. Bundan əlavə, hər kəs marafonun virtual versiyasında iştirak etmək imkanı əldə edəcək. Bunu etmək üçün məsafəni müstəqil şəkildə qət etməli və müvafiq təsdiq göstərilməlidir. Virtual marafonu başa vuran bütün idmançılar rəsmi Boston marafon proqramının iştirakçı köynəyini, idmançı döş nişanını və medalını alacaqlar.
Xatırladaq ki, Boston marafonu dünyanın ən qədim və ən nüfuzlu marafonlarından biridir və ilk dəfə 1897-ci ildə keçirilib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.