Türkiyənin baş konsulu Gəncə terroundan zərərçəkmişlərə baş çəkib
Gəncə Şəhər İcra Hakimiyyətinin başçısı Niyazi Bayramov və Türkiyənin Gəncədəki Baş Konsulu Zeki Öztürk Ermənistan tərəfindən Gəncənin raket atəşinə tutulması nəticəsində xəsarət alanlara baş çəkiblər.
Musavat.com xəbər verir ki, yaralılarla müalicə aldıqları xəstəxanalarda görüşən şəhər rəhbəri və Baş konsul, onların səhhəti ilə maraqlanıb, söhbət ediblər. Söhbət zamanı Azərbaycan Respublikasının Prezidenti, Ali Baş Komandanın rəhbərliyi ilə işğal altında olan torpaqlarımızın tezliklə tamamilə azad olunacağına əminlik ifadə edilib. Yaralılara şəfa, həlak olanlara isə Allahdan rəhmət dilənib.
Niyazi Bayramov raket zərbəsi nəticəsində dağılan ərazidə də olub, burada erməni terrorundan zərər görən sakinlərlə görüşüb. Şəhər rəhbəri bildirib ki, evləri tamamilə dağıdılmış ailələr müvəqqəti yaşayış sahəsi ilə təmin ediliblər. Bununla yanaşı, həmin sakinlər istəkləri üzrə gündəlik tələbat malları, eləcə də geyimlərlə təmin olunurlar. Daha sonra Niyazi Bayramov və Zeki Öztürk zərərçəkənlərin müvəqqəti məskunlaşdıqları yataqxanaya gəlib, buradakı şəraitlə tanış olublar.
Şəhər rəhbəri bildirib ki, Erməni terroru nəticəsində zərər çəkənlərə dövlətimiz tərəfindən bütün lazımi köməkliklər göstərilir, onların qayğı və problemləri ilə maraqlanılır. O qeyd edib ki, bu məsələ ölkə başçısı Prezident İlham Əliyev və Birinci vitse-prezident Mehriban Əliyevanın nəzarətindədir.
Ermənistanın mülki vətəndaşların yaşayış məntəqələrinə endirdiyi raket zərbələrini qınadığını deyən Zəki Öztürk bildirib ki, Türkiyə haqlı davasında daim Azərbaycanın yanındadır.
Sonra Gəncə Şəhər İcra Hakimiyyətinin başçısı Niyazi Bayramov və Türkiyənin Gəncədəki baş konsulu Zəki Öztürk sakinlərlə birlikdə şam yeməyi yeyiblər, uşaqlara hədiyyələr verilib.
Xatırladaq ki, 17 oktyabr 2020-ci il tarixində saat 01:00 radələrində Gəncə Ermənistan Silahlı Qüvvələri tərəfindən növbəti dəfə raket atəşinə tutulub. Nəticədə 5-i uşaq, 5-i qadın olmaqla, 14 nəfər həlak olub, 55 nəfər yaralanıb. 20 ev tamamilə dağılılıb, 4 uşaq bağçası-körpələr evi, 1 məktəb və 1 poliklinikaya ziyan dəyib.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.