Gürcüstanın hakim Gürcü Arzusu Partiyasının sədri Bidzina İvanişvili ikinci dəfə siyasətdən gedir.
“Report”un Gürcüstan bürosu xəbər verir ki, bu barədə yerli mətbuat yazıb.
Məlumatlara əsasən, gələn həftə partiyanın qurultayı keçiriləcək və icraçı katib İrakli Kobaxidze sədr seçiləcək.
İ.Kobaxidze yayılan informasiyaları təkzib edib: “Hər hansı bir qurultay planlaşdırılmır. Biz spekulyasiyalar və əsassız ehtimalları şərh etmirik”.
“Gürcü Arzusu”nun baş katibi Kaxa Kaladze, öz növbəsində, bildirib ki, İ.Kobaxidzenin partiya sədri təyin olunması barədə müzakirə aparılmayıb: “Bir az sonra həm qurultay, həm də qəbul olunacaq qərarlar barədə media və ictimaiyyətə hər şey aydın olacaq”.
Qeyd edək ki, milyarder B.İvanişvili 2012-2013-cü illərdə Gürcüstanın baş naziri olub. O, 2013-cü ildə siyasətdən getsə də, 2018-ci ildə yenidən siyasətə qoşulub və həmin ilin mayından hakim partiyaya rəhbərlik edir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.