“Şərtlər əlverişli olduğu bir vaxtda gələn il Türkiyədə Rusiya-Türkiyə Yüksək Səviyyəli Əməkdaşlıq Şurasının toplantısı keçiriləcək”.
APA-nın Rusiya bürosunun məlumatına görə, bunu Rusiyanın xarici işlər naziri Sergey Lavrov Soçidə keçirilən Rusiya-Türkiyə Birgə Strateji Planlama Qrupunun VIII toplantısında çıxışı zamanı deyib.
O, bugünkü görüşdə gələn il keçiriləcək toplantının gündəmində duracaq məsələlər üzərində çalışmalı olduqlarını bildirib.
Türkiyənin xarici işlər naziri Mövlud Çavuşoğlu isə çıxışında Türkiyə və Rusiya prezidentləri arasındakı münasibətlərdə olan qarşılıqlı inamın təkcə ikitərəfli deyil, həm də regional münasibətlərin inkişafına xidmət etdiyini qeyd edib: “Bu gün biz gələn il Türkiyədə iki ölkə prezidentinin görüşü üçün hazırlıq aparacağıq. Ankara Moskva ilə sıx dialoqdan və bu dialoqu dəstəkləyən qurumların aktiv işindən razıdır. Ticarət, mədəniyyət, turizm və energetika sahələrindəki münasibətlərimizin genişlənməsi əlbəttə ki, böyük məmnunluq doğurur”.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.