banner
banner

Gündəm

Xəstəlikdən vəfat edən nazirlər... FOTO

Xəstəlikdən vəfat edən nazirlər... FOTO

Aprelin 30-da ABŞ-da ağciyər xərçəngi və qaraciyər serrozundan müalicə olunduğu xəstəxanada vəfat edən gənclər və idman naziri Azad Rəhimov bu gün II Fəxri Xiyabanda torpağa tapşırıldı.

“Qafqazinfo” xəbər verir ki, Azad Rəhimov indiyədək Azərbaycanda vəzifə başında dünyasını dəyişən üçüncü nazirdir.

Belə ki, Azərbaycanın sabiq energetika naziri Natiq Əliyevlə, keçmiş müdafiə sənayesi naziri Yavər Camalov da vəfat edərkən vəzifədə olublar.

 

Mərhum məmurların vəzifələri ilə yanaşı, taleləri də oxşar olub. Məsələ burasındadır ki, hər üç nazirin vəfat səbəbi üzləşdikləri ağır xəstəlik olub. Adıçəkilən nazirlərin üçü də müalicə üçün məhz xarici ölkələrə üz tutub.

İlk olaraq, 2017-ci ilin iyunun 3-də Natiq Əliyev Bakıda ürək tutmasından sonra müalicə üçün Türkiyəyə aparılmışdı. Qardaş ölkədə “Florence Nightingale” klinikasına yerləşdirilən N.Əliyev 6 gün sonra beyin insultu keçirmiş və dünyasını dəyişmişdi.

 

2005-2013-cü illərdə sənaye və energetika naziri, 22 oktyabr 2013-cü ildənn isə energetika naziri olan işləyən Natiq Əliyev də, Azad Rəhimov kimi II Fəxri Xiyabanda dəfn olunub.

Natiq Əliyevin vəfatından bir il sonra isə Yavər Camalov müdafiə sənayesi naziri olarkən dünyasını dəyişib. Azad Rəhimov kimi 2006-cı ildə nazir təyin olunan Yavər Camalovun da ölümünə uzun sürən ağır xəstəlik səbəb olub. O da müalicə üçün xaricə - bir neçə dəfə İsrailə getmişdi. 2018-ci ilin iyunun 23-də vəfat edən Y.Camalov Şüvəlan qəsəbə qəbiristanlığında, 2017-ci ildə Türkiyədə özəl xəstəxanaların birində üzləşdiyi xəstəlik səbəbindən vəfat edən 44 yaşlı oğlu Rövşən Camalovun yanında dəfn olunub.

 

Mərhum nazirlərin digər oxşar talelərindən biri də övladları ilə bağlıdır. Belə ki, nə Azad Rəhimovun, nə Natiq Əliyevin, nə də Yavər Camalovun qız övladı var. Azad Rəhimovun Arif Rəhimov, Natiq Əliyevin Fərhad Əliyev adında bir oğlu, Yavər Camalovun isə vəfat edən oğlu Rövşəndən başqa, iki oğlu var. Bunlar Elşən və Rəşad Camalovlardır.

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.