Facebook platformasında Musavat Partiyasının başqanı Arif Hacılının başlatdığı bir siyasi dava gedir.

Belə ki, Arif Hacılı özünün səhifəsində Respublikaçı Alternativ Partiyasının parlamentdəki deputatı Erkin Qədirliyə sataşıb. O, mərhum prezident Heydər Əliyevin heykəli önündə fotosu yayılan Erkin Qədirli haqqında bunları yazıb: "Asim Mollazadə bura qədər uzun bir yol keçmişdi, Erkin Qədirli çox tez çatdı"...

Bundan sonra olanlar olub, Fecebook-da Real - Musavat qırğını düşüb və bu saatlarda da davam edir. Partiya rəhbərləri bir birinə "ayıb olsun", "özünsən", "...açıb deyimmi" rədifli göndərmələr yazmaqdadırlar. Onlara tərəfdarlar da qoşulublar.

Arif Hacılı

ReAL liderlırindən biri olan Natiq Cəfərli Elçibəylə Heydər Əliyevin görüşən zaman öpüşdüyü fotonu paylaşaraq, Arif Hacılıya cavab olaraq bunları yazıb: "Erkin protokola uyğun hərəkət edib, bundan öncə Atatürkin anıtında, Erdoğanla və Parlament sədri ilə görüşdə olub, amma səhv edib, gərək heykələ getməyəydi. Amma bu xırda səhvdi, sizin komandanız kimi Heydər Əliyevi öpüb, hakimiyyətə gətirib, başımıza bu sistemi bəla etməyib - bu ən böyük səhv idi! Hələ də buna görə xalqdan üzr istəməyib sizin nəsl siyasətçilər!

Natiq Cəfərli

Erkinin başqa səhvi də olub - siz, Arif bəy, "hakimiyyət əlimizdən ofisə alacaq, nə olar REAL-ın qurultayını bizdə keçirməyin, bundan özünüz imtina edin", deyındə, Sizə, əslində isə Müsavat adına hörmət olaraq siz deyən formulu qəbul etdi, sizə söz gəlməsini istəmədi. Bəli, Erkinin bu səhvi də var, qınayıram!"

Bundan sonra qarşılıqlı ittiham, iftira və ifşalar başlayıb.

Maraqlananlar hazırda da davam edən bu əyləncəli davanı seyr etmək üçün bu ünvana daxil ola bilərlər:

https://www.facebook.com/100000557981360/posts/4670979542930599/?d=n

Musavat.com