banner
banner

Dünya

Ermənistanın Statistika Xidməti: İki ildə əhali artımı 2,9 dəfə azalıb

Ermənistanın Statistika Xidməti:

Ermənistanın Milli Statistika Xidmətinin məlumatına görə, yanvar-iyul aylarında əhali artımı 1 252 nəfər təşkil edib. Bu, ötən ilin analoji dövrü ilə müqayisədə 1,8 dəfə azdır.

“Report” xəbər verir ki, bu barədə Ermənistan mediası məlumat yayıb.

Qeyd edilir ki, əgər hesabat məlumatları 2019 il yanvar-iyulun göstəricisi ilə müqayisə olunsa, bu, demək olar, 2,9 dəfə az rəqəm təşkil edir. Yəni təbii artım dinamikasında tendensiyalar açıq-aydın pisləşən xarakter daşıyır. Bu prosesdə həmçinin əhali arasında COVID-19-dan ölüm faizinin kəskin artımı da rol oynayıb.

“Ermənistanın daimi əhalisinin say dinamikasına ölkə sakinlərinin artan emiqrasiyası mənfi təsir edir. Bir fakta diqqət edək: - 2018-2020 illərdə və cari ilin yanvar-iyunu ərzində 103,6 min nəfər Rusiyanın vətəndaşlığını qəbul edib. Onlardan 21,9 min insan (və ya ümumi nəticədən 21 %) cari ilin yanvar-iyununda qonşu ölkənin vətəndaşlığını qəbul edib”, - deyə “News.am” yazıb.

Xatırladaq ki, ötən il Ermənistanın 30,5 min vətəndaşı (o cümlədən yanvar-iyunda - 14,1 min nəfər) Rusiya vətəndaşlığını qəbul edib. Qeyd olunan göstəricilərə əsasən proses açıq-aydın artan xarakter daşıyır.

“Ötən ilki rekordun bu il artacağı tamamilə mümkündür. Emiqrasiya prosesinin yalnız Rusiya ilə məhdudlaşmadığı məlumdur. Həm də aydındır ki, reproduktiv yaşda kişilər və qadınlar da daxil olmaqla, əsasən gənc ailələr mühacirət edirlər. Bu, artıq qısa müddətdə ölkənin demoqrafiyasını aradan qaldırıla bilməyən mənfi nəticələrlə təhdid edir”, - agentlik qeyd edib.

 


Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.