banner
banner

Gündəm

Bakı "cəhənnəmə" kömək göndərdi

Bakı "cəhənnəmə" kömək göndərdi

Dağıdıcı zəlzələnin ardınca, indi Nepalda təkcə dağıntılar altında qalan insanların iniltisi eşidilmir. Zəlzələdən canını sağ qurtaranlar isə qida tapmırlar. Dövlətlər isə Nepala yardım göndərir. Azərbaycanın humanitar karvanı da artıq cəhənnəmin yaşandığı Nepaldadır.
Nepalda yaşayan həmvətənlərimiz təbii fəlakət zonasından təxliyyə ediləcək.
Cia.az-ın Fövqəladə Hallar Nazirliyinə (FHN) istinadən verdiyi məlumata görə, proses Azərbaycan hökuməti adından Nepala humanitar yardımın göndərildiyi “BE-200ÇS” təyyarəsi vasitəsilə həyata keçiriləcək.
Prezident İlham Əliyevin göstərişinə əsasən FHN tərəfindən yola salınan humanitar yardıma bir tona yaxın müxtəlif dərman və tibbi ləvazimatlar, xeyli sayda çadır, ədyal və içməli su daxildir.
Xarici İşlər Nazirliyindən verilən məlumatda da Nepalda, təbii fəlakət zonasında olan həmvətənlərimizin vəziyyətinin diqqət mərkəzində olduğu deyilir.
Nazirliyin mətbuat xidmətinin sözçüsü Hikmət Hacıyev bildirdi ki, Azərbaycanın Hindistandakı səfirliyi Nepaldakı Azərbaycan vətəndaşları ilə təmasları davam etdirir. İlkin məlumata görə, Nepalda 6-sı uşaq olmaqla, 14 Azərbaycan vətəndaşı var və onlar arasında ciddi xəsarət halı qeydə alınmayıb.

Bu arada dağıdıcı zəlzələdən əziyyət çəkən Nepalın paytaxtı Katmandunu etiraz dalğası bürüyüb. Sakinlər ölkə hökumətinin zəlzələ fəsadlarını operativ aradan qaldırmadığına və humanitar yardımın az olmasına etiraz edirlər. Onlar hökumətin istefasını da tələb edirlər.
Nepalda ötən həftənin sonunda baş verən zəlzələdən ölənlərin sayı 5 min nəfəri ötüb. Rəsmilər 7,8 ballıq zəlzələ itkilərinin 10 min nəfərə çatacağını istisna etmir.

Belə ki, hələ də ölkənin ucqar rayonlarındakı vəziyyətdən xəbərsizdilər. Xilasedicilər Himalay dağlarında yerləşən yaşayış məntəqələrinə yardım çatdırmaqda çətinlik çəkir. Bir çox kəndlər torpaq sürüşməsindən yerlə-yeksan olub. 10 mindən çox insan müxtəlif dərəcəli xəsarət alıb.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.