banner
banner

Dünya

Saakaşvili aclıq aksiyasını dayandırdı

Saakaşvili aclıq aksiyasını dayandırdı

Gürcüstanın eks-prezidenti Mixail Saakaşvili dünən gecə həbsxana klinikasından Qori hərbi hospitalına köçürüldükdən sonra 50 günlük aclıq aksiyasına son qoyub.

Cia.az “Sputnik Gürcüstan”a istinadən xəbər verir ki, o, hazırda reanimasiya şöbəsindədir.

“Gürcüstanın Səhiyyə Nazirliyinin nəzdində yaradılmış həkimlər şurasının iclası olacaq, orada yerli həkimlərlə birlikdə müalicə sxeminə baxacağıq”, - Saakaşvilinin həkimi Nikoloz Kipşidze bildirib.

 

Kipşidze qeyd edib ki, müalicə prosesinin özü uzun çəkəcək və eks-prezidentin səhhətini bərpa etmək üçün vaxt lazımdır.

Saakaşvili müalicəsi müddətində Qori hərbi hospitalında olacaq. Məhkəmə prosesi başa çatdıqdan sonra o, Rustavi həbsxanasına qaytarılacaq və iki cinayət işi üzrə 6 il müddətinə azadlıqdan məhrumetmə cəzasını çəkməyə davam edəcək. Müddət onun bu il oktyabrın 1-də həbs edildiyi andan başlayır.

Eks-prezidentin həbs müddətinin artacağı istisna edilmir. Hazırda ona qarşı məhkəmədə üç iş gedir, onlardan birinin maksimum müddəti 9 ildir.

Qeyd edək ki, Saakaşvili həbs olunduğu gün özünü siyasi məhbus adlandıraraq aclıq aksiyasına başlayıb və bütün ittihamların uydurma olduğunu bildirib.



Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.