Çeçenistan Respublikasının rəhbəri Ramzan Kadırov və onun valideynlərinə respublikanın əməkdar hüquq müdafiəçiləri fəxri adları verilib.
Çeçenistan lideri “çeçen xalqının təbii və ayrılmaz hüquqlarının qorunmasına verdiyi tarixi töhfəyə görə” yüksək mükafatla təltif edilib.
Qeyd edək ki, bir müddət öncə Ramzan Kadırovun böyük qızı Ayşət də “İnsan hüquqlarının müdafiəsinə görə” medalı ilə təltif edilib. O “vətəndaşların konstitusiya hüquq və mənafelərinin qorunmasına verdiyi böyük töhfəyə görə” mükafatlandırılıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.