Ukrayna ordusu Belqorod vilayətinin sərhəd zolağında piyada əleyhinə minaları səpələyir. Bunu vilayətin qubernatoru Vyaçeslav Qladkov bildirib.
"Düşmən sərhəd zonasına seysmik sensorlarla piyada əleyhinə minaları səpələyir. Bu çox təhlükəli bir şeydir, indi təsviri və şəkilləri olan videoları mümkün qədər tez yaymağa çalışacağıq", deyə qubernatoraçıqlama verib.
Qladkovun sözlərinə görə, işə salındıqda mərmi havaya atılır və partlayır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.