Bakı şəhəri 249 saylı tam orta məktəbdə dərs saatlarının bölüşdürülməsi ilə bağlı ciddi narazılıq yaranıb.
Cia.az xəbər verir ki, bir qrup müəllim məktəbin direktoru Kəmalə Şıxlinskayanın adından onlara dərs saatı verilməsi üçün qeyri-rəsmi şəkildə pul tələb edildiyini iddia edir.
Müəllimlərin sözlərinə görə, dərs bölgüsü zamanı obyektivlik və şəffaflıq prinsipləri pozulur, saatların bölüşdürülməsində əsas meyar kimi maddi maraqlar və şəxsi dostluq əlaqələri əsas götürülür. Bildirilir ki, direktor bu tələbləri birbaşa deyil, yaxın ətrafı vasitəsilə həyata keçirir.
Qeyd edək ki, sözügedən məktəbin direktoru bir müddət əvvəl tapançalı fotosu ilə sosial şəbəkələrdə və mediada ciddi müzakirələrə səbəb olmuşdu. Kəmalə Şıxlinskaya eyni zamanda 249 nömrəli məktəbdə maskalı manyakın peyda olması ilə bağlı yayılan səs yazısı ilə bağlı gündəmə gəlmişdi.
Müəllimlərin sertifikatlaşdırma nəticələrinin onların dərs yükünün müəyyənləşdirilməsinə təsiri təhsil ictimaiyyətində müzakirə olunan məsələlərdəndir. Yüksək nəticə göstərən müəllimlərə daha çox dərs saatının verilməsi, aşağı bal toplayanların isə dərs yükünün azaldılması ilə bağlı vahid yanaşmanın olub-olmaması sual doğurur. Xüsusilə dərs saatlarının müəllimlərin aylıq əməkhaqqına birbaşa təsir etməsi məsələnin aktuallığını daha da artırır.
2026-cı il üzrə müəllimlərin sertifikatlaşdırılması prosesində ən yüksək uğur göstəricisi texnologiya fənnini tədris edən müəllimlər arasında qeydə alınıb.
Yeni tədris ilinin başlanmasına iki aydan çox vaxt qalsa da, valideynləri indidən maraqlandıran əsas məsələ məktəbli formalarının qiymətidir. Bəs bu il qiymətlərdə dəyişiklik gözlənilir?
Ali təhsil müəssisələrinin magistraturalarına 14 iyun 2026-cı il tarixində keçirilmiş qəbul imtahanının (II cəhd, təkrar) yekun nəticələrini elan edilib.
Bakı Şəhər Dövlət Yol Polisi İdarəsi qarşıdan gələn “Son zəng” tədbirləri ilə əlaqədar avtomobil icarəsi fəaliyyəti ilə məşğul olan hüquqi və fiziki şəxslərə müraciət edərək onları məsuliyyətli olmağa çağırır.
