Yaz fəslində təbiətin oyanması ilə birlikdə müxtəlif təzə göyərtilər də süfrəmizə daxil olur. Bu göyərtilər yalnız dad baxımından deyil, həm də sağlamlıq üçün olduqca faydalıdır.
Yaz göyərtiləri vitamin, mineral və bioloji aktiv maddələrlə zəngin olduğu üçün orqanizmin möhkəmlənməsində mühüm rol oynayır.
Keşniş, şüyüd, cəfəri, ispanaq və turşəng yüksək miqdarda C vitamini ilə zəngindir. C vitamini immun sistemini gücləndirir, orqanizmi infeksiyalara qarşı daha davamlı edir və yaz aylarında tez-tez rast gəlinən yorğunluq hissini azaldır. Bundan əlavə, bu göyərtilərdə A və K vitaminləri də mövcuddur ki, onlar görmə qabiliyyətini yaxşılaşdırır və qan laxtalanmasını tənzimləyir.
Bu bitkilər eyni zamanda liflə zəngindir. Liflər həzm sisteminin düzgün işləməsinə kömək edir, bağırsaq hərəkətlərini tənzimləyir və qəbizlik probleminin qarşısını alır. Xüsusilə ispanaq və turşəng kimi göyərtilər dəmir tərkibli olduğundan qanazlığı (anemiya) olan şəxslər üçün faydalıdır.
Yaz göyərtilərində antioksidant maddələr də çoxdur. Bu maddələr sərbəst radikallarla mübarizə apararaq hüceyrələrin zədələnməsinin qarşısını alır və xroniki xəstəliklərin yaranma riskini azaldır. Eyni zamanda bu göyərtilər qaraciyərin fəaliyyətini dəstəkləyir və orqanizmdən toksinlərin xaric olunmasına kömək edir.
Lakin göyərtilərdən istifadə edərkən gigiyenaya diqqət yetirmək vacibdir. Onlar yaxşı yuyulmalı, mümkün olduqda suda saxlanılmalı və təmiz halda istehlak olunmalıdır. Əks halda, müxtəlif mikroorqanizmlər və parazitlər sağlamlıq üçün risk yarada bilər.
Yaz göyərtiləri sağlam qidalanmanın vacib hissəsidir və gündəlik rasiona daxil edilməsi tövsiyə olunur. Onların müntəzəm istifadəsi orqanizmi gücləndirir, enerji verir və ümumi sağlamlığı yaxşılaşdırır. (Axşam.az)
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.