Hantavirus daha da yayıla bilər - ÜST-dən həyəcanverici XƏBƏRDARLIQ
Ümumdünya Səhiyyə Təşkilatı MV Hondius kruiz gəmisində baş verən ölümcül hantavirus yayılmasından sonra ölkələri mümkün yeni yoluxmalara hazır olmağa çağırıb. Təşkilat bildirir ki, virusun inkubasiya dövrünün uzun olması səbəbindən qarşıdakı həftələrdə əlavə halların aşkarlanması mümkündür.
Ümumdünya Səhiyyə Təşkilatının baş direktoru Tedros Adhanom Qebreyesus Madriddə keçirdiyi mətbuat konfransında bildirib ki, hazırda daha böyük miqyaslı epidemiyanın başladığını göstərən əlamətlər yoxdur. Bununla belə, vəziyyətin dəyişə biləcəyini istisna etməyib.
Onun sözlərinə görə, virusun inkubasiya müddəti altı-səkkiz həftəyə qədər davam edə bilər və buna görə də yeni yoluxmalar sonradan üzə çıxa bilər.
ÜST xüsusilə yüksək risk qrupuna daxil olan şəxslərin ciddi nəzarətdə saxlanılmasını tövsiyə edib. Təşkilat mümkün təmasda olmuş şəxslər üçün 42 günlük karantin və daimi müşahidə aparılmasını məsləhət görür.
Fransız sərnişinin vəziyyəti ağırdır
Narahatlıq 65 yaşlı fransız qadının vəziyyətinin ağırlaşmasından sonra daha da artıb. MV Hondius gəmisində yoluxduğu bildirilən qadında ağır ürək-ağciyər çatışmazlığı inkişaf edib və o, reanimasiya şöbəsinə yerləşdirilib.
Həkim Ksavye Leskür bildirib ki, pasiyentin əlavə sağlamlıq problemləri də var. Hazırda qadın süni tənəffüs və qan dövranını dəstəkləyən cihazlara qoşulub.
MV Hondius gəmisində nə baş verib?
MV Hondius Argentinadan Kabo-Verde istiqamətində hərəkət edirdi. Gəmidə baş verən yoluxma nəticəsində Niderlanddan olan ər-arvad və Almaniya vətəndaşı həyatını itirib.
ÜST indiyədək hantavirusun And variantı ilə bağlı doqquz yoluxma halını təsdiqləyib. Yoluxanlar arasında ABŞ və Fransa vətəndaşları da var.
İspaniya Səhiyyə Nazirliyi isə karantinə yerləşdirilmiş 14 ispaniyalı arasında bir nəfərdə virusun təsdiqləndiyini açıqlayıb. Həmin şəxsdə yüngül tənəffüs simptomları və aşağı hərarət müşahidə edilsə də, vəziyyətinin stabil olduğu bildirilib.
Yeni yoluxmalar niyə gözlənilir?
Tedros Adhanom Qebreyesus qeyd edib ki, gəmidə ilk yoluxma halı hələ aprelin 6-da qeydə alınıb və bu müddətdə sərnişinlər arasında çoxsaylı yaxın təmaslar olub.
Hantavirus adətən vəhşi gəmiricilər vasitəsilə yayılır. Lakin And ştammı nadir hallarda insandan insana da keçə bilir. Mütəxəssislərin sözlərinə görə, bu variant yüksək ölüm riski ilə seçilir və bəzi hallarda ölüm göstəricisi 20–40 faiz arasında dəyişir.
Bununla yanaşı, ÜST hazırda COVID-19 miqyaslı yeni pandemiya təhlükəsinin olmadığını vurğulayır. Təşkilat bildirir ki, ölkələr koronavirus dövründən sonra hazırlanmış xüsusi protokollar əsasında təmasda olan şəxsləri izləyir və vəziyyətə nəzarət edir./lent.az
Mərkəzdə yalnız tibbi müdaxilə deyil, eyni zamanda elmi əsaslı psixoterapiya metodları geniş tətbiq edilir. Buraya Koqnitiv-davranış terapiya (CBT) – asılılıq davranışının dəyişdirilməsi, Motivasional müsahibə (Motivational Interviewing) – daxili motivasiyanın gücləndirilməsi,qrup terapiyaları və ailə terapiyası aiddir.
Tibbi xidmətlərin göstərilməsi zamanı yol verilən yanlışlıqlar, səhv diaqnozlar və ya qeyri-peşəkar müdaxilələr nəticəsində vətəndaşların sağlamlığına zərər dəyməsi halları hüquqi müstəvidə ciddi şəkildə araşdırılan mövzulardandır. Pasiyentlərin səhiyyə müəssisələrinə və ya birbaşa tibb personalına qarşı hüquqi mübarizə aparması kifayət qədər mürəkkəb, həmçinin uzunmüddətli prosedurlar zəncirini əhatə edir. Bu cür mübahisələrdə ən kritik məqam həkim səhvi ilə yaranan fəsad arasında birbaşa səbəb-nəticə əlaqəsinin mövcudluğunu tam subut etməkdir. Bu proses isə müalicə tariçəsi, analiz nəticələri, rentgen və digər tibbi sənədlərin ekspertlər tərəfindən dərindən araşdırılmasını, xüsusi rəylərin alınmasını zəruri edir. Çünki hüquqi baxımdan əsaslı sübutlar olmadan qarşı tərəfin məsuliyyətini müəyyən etmək qeyri-mümkündür.
Böyük Britaniyanın Kembric Universitetinin alimləri süni intellektin köməyilə hazırlanan yeni nəsil peyvəndi ilk dəfə insanlar üzərində sınaqdan keçirməyə başlayıblar.
Tarif Şurasının son qərarı ilə 184 dərman vasitəsinin qiymətinin yuxarı həddi yenidən tənzimlənib. Qərara əsasən, dərmanların topdan və pərakəndə satış qiymətlərinin yuxarı həddi təsdiqlənib və yeni qiymətlər müəyyən edilmiş tarixlərdə qüvvəyə minəcək. Bəs bu dəyişikliklər apteklərdə və alıcıların büdcəsində necə əks olunur?
TƏBİB tabeli tibbi müəssisələrində bu gün – ayın 1-də ilk dəfə olaraq bütün tibb müəssisələrinə əməkhaqları tam şəkildə köçürülüb. Qeyd edək ki, uzun müddət idi, tibb işçilərinin maaşlarının gecikdirilməsi ilə bağlı narazılıqlar var idi. Hətta müqaviləyə əsasən maaşı ayın 10-dək verilməli olanların da ödənişlərinin gecikdiyini bildirirdilər. Bununla bağlı Musavat.com-a da çox sayda şikayət daxil olub.
"MV Hondius" kruiz laynerində baş verən epidemiya ilə əlaqəli olduğu ehtimal edilən iki yeni hantavirusa yoluxma halı İspaniyada və Atlantik okeanının cənubundakı Tristan-da-Kunya arxipelaqında qeydə alınıb.
Altsheymer xəstəliyinin müalicəsində inqilab kimi qiymətləndirilən yeni nəsil dərmanlar xəstələrin real vəziyyətində gözlənilən dəyişikliyi yaratmayıb. Tibb dünyasının ən nüfuzlu təşkilatlarından biri olan "Cochrane" tərəfindən aparılan genişmiqyaslı təhlillər bu preparatların klinik baxımdan əhəmiyyətli fayda vermədiyini üzə çıxarıb.
