Böyük Britaniyanın Kembric Universitetinin alimləri süni intellektin köməyilə hazırlanan yeni nəsil peyvəndi ilk dəfə insanlar üzərində sınaqdan keçirməyə başlayıblar.
“Qafqazinfo”nun məlumatına görə, tədqiqatçılar bildirirlər ki, yeni peyvənd mövcud və gələcəkdə ortaya çıxa biləcək müxtəlif koronavirus növlərinə qarşı genişmiqyaslı qorunma təmin etmək məqsədi daşıyır.
Layihənin əsas məqsədi yalnız COVID-19 variantlarına deyil, həm də gələcəkdə insanlara keçə biləcək yeni koronaviruslara qarşı immun müdafiə yaratmaqdır.
Araşdırma çərçivəsində müxtəlif koronavirusların genetik məlumatları süni intellekt sisteminə yüklənib. Sistem bu məlumatları təhlil edərək, immun sistemini bütöv virus ailəsinə qarşı hazırlaya biləcək xüsusi “super-antigen” hazırlayıb.
Antigenlər peyvəndlərin əsas komponentlərindən biridir və immun sisteminə virusları tanımağı öyrədir.
Layihənin rəhbərlərindən biri olan Conatan Hini bildirib ki, bu, insanların iştirakı ilə sınaqdan keçirilən ilk süni intellekt tərəfindən hazırlanmış antigendir.Onun sözlərinə görə, bu yanaşma gələcək pandemiyalara hazırlıq baxımından mühüm dönüş nöqtəsi hesab oluna bilər: “Bu, pandemiyalara qarşı hazırlıq strategiyasında fundamental dəyişiklikdir”.
Peyvəndin təhlükəsizliyini qiymətləndirmək məqsədilə keçirilən ilk klinik sınaqda 39 könüllü iştirak edib. Hazırda daha genişmiqyaslı ikinci mərhələyə hazırlıq gedir və bu mərhələdə təxminən 200 nəfərin iştirak edəcəyi gözlənilir.
Alimlər ikinci mərhələnin peyvəndin immun sisteminə təsiri barədə daha ətraflı nəticələr təqdim edəcəyini bildirirlər.
Tədqiqatçılar eyni texnologiyadan istifadə etməklə qrip və Ebola viruslarına qarşı da universal peyvəndlərin hazırlanması üzərində işləyirlər.
Sınaqlarda iştirak edən Saul Faust süni intellektlə hazırlanmış peyvənd texnologiyasının böyük potensiala malik olduğunu bildirib. Onun sözlərinə görə, virusların sürətlə mutasiyaya uğradığı dövrlərdə bu yanaşma xüsusilə əhəmiyyətli ola bilər.
Araşdırmanın nəticələri “Academic Infection Journal”da dərc olunub.
Tarif Şurasının son qərarı ilə 184 dərman vasitəsinin qiymətinin yuxarı həddi yenidən tənzimlənib. Qərara əsasən, dərmanların topdan və pərakəndə satış qiymətlərinin yuxarı həddi təsdiqlənib və yeni qiymətlər müəyyən edilmiş tarixlərdə qüvvəyə minəcək. Bəs bu dəyişikliklər apteklərdə və alıcıların büdcəsində necə əks olunur?
TƏBİB tabeli tibbi müəssisələrində bu gün – ayın 1-də ilk dəfə olaraq bütün tibb müəssisələrinə əməkhaqları tam şəkildə köçürülüb. Qeyd edək ki, uzun müddət idi, tibb işçilərinin maaşlarının gecikdirilməsi ilə bağlı narazılıqlar var idi. Hətta müqaviləyə əsasən maaşı ayın 10-dək verilməli olanların da ödənişlərinin gecikdiyini bildirirdilər. Bununla bağlı Musavat.com-a da çox sayda şikayət daxil olub.
Ümumdünya Səhiyyə Təşkilatı MV Hondius kruiz gəmisində baş verən ölümcül hantavirus yayılmasından sonra ölkələri mümkün yeni yoluxmalara hazır olmağa çağırıb. Təşkilat bildirir ki, virusun inkubasiya dövrünün uzun olması səbəbindən qarşıdakı həftələrdə əlavə halların aşkarlanması mümkündür.
"MV Hondius" kruiz laynerində baş verən epidemiya ilə əlaqəli olduğu ehtimal edilən iki yeni hantavirusa yoluxma halı İspaniyada və Atlantik okeanının cənubundakı Tristan-da-Kunya arxipelaqında qeydə alınıb.
Altsheymer xəstəliyinin müalicəsində inqilab kimi qiymətləndirilən yeni nəsil dərmanlar xəstələrin real vəziyyətində gözlənilən dəyişikliyi yaratmayıb. Tibb dünyasının ən nüfuzlu təşkilatlarından biri olan "Cochrane" tərəfindən aparılan genişmiqyaslı təhlillər bu preparatların klinik baxımdan əhəmiyyətli fayda vermədiyini üzə çıxarıb.
Ümumdünya Səhiyyə Təşkilatının tövsiyəsinə əsasən, 2026-cı ilin 19–25 aprel tarixlərində respublikanın şəhər və rayonlarında “İmmunlaşdırma həftəsi” keçiriləcək.
Prezident İlham Əliyev icbari tibbi sığorta sahəsində idarəetmənin təkmilləşdirilməsi ilə bağlı mühüm Fərman imzalayıb. Sənədə əsasən, əhalinin icbari tibbi sığortası sahəsində idarəetmənin təkmilləşdirilməsi ilə bağlı sistem yenidən qurulur və bu sahədə bir sıra səlahiyyətlər Əmək və Əhalinin Sosial Müdafiəsi Nazirliyinə (ƏƏSMN) verilir.
