Azərbaycanlıların sevimli göyərtisinin xərçəngdən qoruduğu üzə çıxdı
Alimlər reyhanın xərçəng hüceyrələrinə qarşı təsiri ilə bağlı diqqətçəkən araşdırma aparıblar.
Tədqiqat zamanı beş fərqli reyhan növünün xərçəng hüceyrələrinin çoxalması və yayılmasını zəiflədə bildiyi müəyyən olunub.
Araşdırmada bildirilib ki, reyhan hüceyrələrin böyüməsini ləngidərək xərçəngli hüceyrələrin məhv edilməsinə dəstək verə bilər.
2016-cı ildə “Journal of Molecules” jurnalında dərc olunan başqa bir araşdırmada isə şirin reyhandan əldə edilən efir yağının yoğun bağırsaq xərçəngi hüceyrələrinin inkişafını zəiflədə bildiyi qeyd olunub.
“Natural Product Research” jurnalında yayımlanan tədqiqatda isə genovese, bənövşəyi reyhan, dark opal, anis və kol reyhanı olmaqla beş növün xərçəng hüceyrələrinin bölünməsini və çoxalmasını zəiflədə biləcəyi bildirilib.
Mütəxəssislər vurğulayırlar ki, reyhanın faydaları bununla məhdudlaşmır. Bitki yüksək antioksidant tərkibi sayəsində hüceyrələri zərərli təsirlərdən qorumağa kömək edir.
Araşdırmaya görə, stress və iltihab nəticəsində yaranan sərbəst radikallar hüceyrələrə ziyan vurur. Siqaret tüstüsü və ultrabənövşəyi şüalar kimi amillər də bu prosesi sürətləndirir. Antioksidantlarla zəngin qidalar isə həmin zərərin azalmasına dəstək ola bilər.//Demokrat.az
Ailə ziyafətləri və bayram süfrələri üçün salat hazırlayarkən bərk qaynadılmış yumurtaların qabığının çətin soyulması və ağından hissə-hissə qopması bir çox aşpazın qarşılaşdığı ən böyük problemlərdən biridir.
Boston Universitetinin alimləri müəyyən ediblər ki, qocalmış hüceyrələri məhv edən ABT-263 preparatı yaşlı orqanizmlərdə dərinin zədələnmiş nahiyələrinin daha tez sağalmasını sürətləndirə bilər.
Gündəlik gigiyena qaydası hesab etdiyimiz vərdiş əslində eşitmə qabiliyyətini tamamilə itirməyə səbəb ola bilər. Mütəxəssislər illərdir doğru bildiyimiz bu metodun təhlükələrini açıqlayıb.
Yağlı saçlar bir çox insanın ortaq problemidir və çox vaxt yanlış qulluq vərdişlərindən qaynaqlanır. Saçın tez yağlanması həm estetik görünüşə xələl gətirir, həm də saç diblərinin havasız qalmasına səbəb olur.
Gecə saatlarında dırnaq kəsməyin “uğursuzluq gətirdiyi” barədə inanclar hələ də cəmiyyətdə geniş yayılıb. Bu fikir xüsusilə yaşlı nəsil arasında ciddi şəkildə qorunur və nəsildən-nəslə ötürülür.
