Prezidentin təltif etdiyi Nailə İslamzadə kimdir? - DOSYE
Xəbər verdiyimiz kimi,Prezident İlham Əliyev bir neçə media nümayəndəsini təltif edib.
3-cü dərəcəli “Əmək” ordeni ilə təltif olunanlar sırasında teleaparıcı Nailə İslamzadə də var.
Nailə İslamzadə 2 noyabr 1961-ci ildə Balakən rayonunda anadan olub. Evin sonbeşiyi olan Nailənin özündən başqa dörd böyük qardaşı olub.Nailə tələbəlik illərində rəfiqələrinin təkidi ilə diktorluq müsabiqəsinə qatılır və müsabiqə yolu ilə dörd yüz nəfərin içərisindən seçilərək Azərbaycan Dövlət Televiziyasında işə qəbul olunur.
İlk dəfə 1983-cü il fevralın 19-da efirə çıxaraq “hörmətli tamaşaçılar, bir neçə dəqiqədən sonra “Zəngli saat” və “Sovet ittifaqına xidmət edirəm” verilişləri transilasiya olunacaq” deyir. Bu sözlərdən sonra diktor Rafiq Hüseynov rejissor pultunun ardından ayağa qalxıb Nailəni qucaqlayır və ona deyir: “Təbrik edirəm Nailə! İndi səni bütün Azərbaycan tanıdı”.
Nailə İslamzadə diktor, aparıcı, jurnalist kimi fəaliyyət göstərib. İşlədiyi müddət ərzində "Xəbərlər" proqramının əsas aparıcılarından biri, dövlət bayramlarına həsr olunmuş proqramların və tədbirlərin, televiziyada çoxsəpkili verilişlərin aparıcısı, on il ərzində "Ailələr, talelər" verilişinin müəllifi və aparıcısı olub.
O, 1998-ci ildə Azərbaycanın əməkdar artisti adına layiq görülüb. Uzun müddət Azərbaycan Rabitə və İnformasiya Texnologiyaları Nazirliyində Multimedia Mərkəzinin rəisi vəzifəsində işləyib. Eyni zamanda Türkiyənin “TRT AVAZ” kanalında yayımlanan "İş'te kadın" proqramının aparıcısı olub. 2019-cu ilin sentyabr ayından etibarən İTV-də çalışır. Hazırda Saleh Bağırovla birlikdə "Ötən günlər" proqramının aparıcısıdır.
Daşkəsən Rayon İcra Hakimiyyəti başçısının tabeliyində "Daşkəsən Rayon Mənzil-kommunal Təsərrüfatı Müəssisəsi" Məhdud Məsuliyyətli Cəmiyyəti yaradılıb.
Azərbaycanda avtomobil idarə edən sürücülərin böyük əksəriyyəti əsas yol hərəkəti qaydalarını — sürət həddini aşmamağı, qırmızı işıqda keçməməyi və təhlükəsizlik kəmərini bağlamağı yaxşı bilir. Lakin elə situasiyalar var ki, sürücülər adət etdikləri vərdişlərin və ya kiçik ehtiyatsızlıqların cərimə ilə nəticələndiyindən xəbərsiz olurlar. Yol hərəkəti haqqında qanunvericilikdə nəzərdə tutulmuş bu xırda detal kimi görünən qaydalar, əslində həm büdcənizə, həm də sürücülük balınıza ciddi təsir göstərə bilər.
Fövqəladə Hallar Nazirliyi (FHN) yaxın günlərdə gözlənilən qeyri-sabit hava şəraiti ilə əlaqədar vətəndaşları sel və daşqın təhlükəsinə qarşı ehtiyatlı olmağa çağırıb.
Azərbaycan Respublikasının qanunvericiliyinə əsasən, məhkum olunmuş şəxslərin cəza çəkməkdən azad edilməsi və ya cəzasının yüngülləşdirilməsi iki əsas hüquqi institut – əfv və amnistiya vasitəsilə həyata keçirilir.
Hazırda respublika ərazisində müşahidə olunan dumanlı hava şəraiti ilə əlaqədar Abşeron yarımadası da daxil olmaqla bir sıra bölgələrdə görünüş məsafəsi məhdudlaşıb.
