Beynəlxalq Banka borca görə ölkədən qaçdığı deyilən iş adamı Londonda, yoxsa Almaniyadadır?
Beynəlxalq Bankdan götürülən kreditlərin mənimsənilməsi ilə bağlı başlanmış cinayət işində adı keçən iş adamı Hafiz Məmmədovun (“Hafka”) ölkədən qaçması barədə xəbər ölkə gündəminin əsas mövzularından birinə çevrilib. Xəbərlərə görə, Hafiz Məmmədov barəsində Nəsimi Rayon Məhkəməsi mayın 18-də həbs qərarı versə də, iş adamını həbs etmək mümkün olmayıb. Belə ki, bu qərarın verilməsindən 2 gün əvvəl - mayın 16-da “Hafka” ölkədən qaça bilib. Bu xəbər ictimailəşəndən sonra “Hafka” ilə bağlı müəmma daha da artıb. Baş Prokurorluğun mətbuat xidmətinin rəhbəri Eldar Sultanov ölkə.az saytına açıqlamasında bildirib ki, bu işlə bağlı Daxili İşlər Nazirliyi ilə əlaqə saxlamaq lazımdır.
Daxili İşlər Nazirliyinin mətbuat xidmətinin rəis müavini Ehsan Zahidov isə bu məsələdən məlumatsız olduğunu vurğulayıb: “Məndə bu barədə nə yazılı, nə də şifahi heç bir məlumat yoxdur”. “Hafka”nın ölkədən qaçması xəbəri yayıldıqdan sonra onun prezidenti olduğu klubun saytında “Hafiz Məmmədov ”Neftçi" ilə baş tutan Premyer Liqa matçından sonra komanda üzvlərini təbrik edib" başlıqlı xəbər yerləşdirilib. Bununla da o, guya ölkədə olduğu, oyunçuları təbrik etdiyi rəyini yaratmağa cəhd edib. Halbuki “Neftçi” ilə “Bakı”nın oyunu mayın 22-də keçirildiyi halda, “Hafka” mayın 16-dan ölkədən çıxıb. Onun təbrik mətnini oyundan sonra deyil, qaçması barədə məlumatından sonra yayması da “Hafka”nın məqsədinin məhz ictimaiyyəti çaşdırmaq olduğunu göstərib. Maraqlıdır ki, bir neçə saat sonra bu təbrik mətni klubun rəsmi saytından çıxarılıb.
H.Məmmədov virtualaz.org saytına qısa açıqlamasında yayılmış xəbərlərin doğruluğunu təsdiqləyib.
“Hafka” ölkədə olmadığını, ancaq qaçmadığını deyib:"Mənim ölkədən qaçmağım haqda KİV-lərdə yayılan informasiyalar tamamilə yalandır. Hazırda Londondayam, müalicə alıram. Ayağımda problemlər var. Yaxın günlərdə Bakıya dönəcəyəm".
“Hafka” onun cinayət məsuliyyətinə cəlb olunacağı haqda məlumatları da təkzib edib: “”Qayıdandan dərhal sonra sizinlə görüşməyə və bütün suallarınıza cavab verməyə hazıram".
Barəsində həbs qətimkan tədbirinin seçildiyi və ölkədən qaçdığına dair məlumatlar yayılan bir dövrdə “Hafka”nın “xəstələnərək” Londona getməsi təsadüfə oxşamır. İkinci bir tərəfdən, “Hafka” müalicəyə niyə Londonu seçməsi maraq doğurur. Çünki Avropada ən yaxşı müalicə İngiltərədə yox, Almaniyadadır. Üstəlik, London rütubətli şəhər kimi ayaq xəstəlikləri olanlar üçün uyğun məkan deyil. “Yeni Müsavat”a verilən məlumata görə, “Hafka” Londonda olmasını deməsi şübhəlidir. Onun Almaniyada olduğu iddia edilir. Qeyd edək ki, “Hafka”nın qardaşı Zeynal Məmmədov da xaricdə yaşayır. Məlumata görə, Zeynal Məmmədov qardaşından ayrılaraq Latviyada trikotaj fabriki alıb.
Hələ halda, bu həftə “Hafka” ilə bağlı müəmmaya aydınlıq gələcəyi gözlənilir.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.