Binəqədi icra başçısının müavini YAP-dan çıxarıldı?
Binəqədi Rayon İcra Hakimiyyəti başçısının müavini Aygün Əliyeva Yeni Azərbaycan Partiyası Gənclər Birliyinin sədr müavini və İdarə Heyətinin üzvlüyündən çıxarılıb.
Mayın 16-da GB-nin 4-cü hesabat konfransında A. Əliyevaya xəbərdarlıq edilərək sədr müavini vəzifəsindən azad edilib.
Sayt məsələ ilə bağlı YAP Gənclər Birliyinin sədri Seymur Orucovla əlaqə saxlayıb. O bildirib ki, A. Əliyeva hazırda Gənclər Birliyinin Şura üzvüdür: “O, bizim ən yaxın komandamızın iştirakçısıdır. Sadəcə olaraq hesabat konfransı keçirilib və yeni tərkib formalaşdırılıb. A. Əliyevanın işinin çoxluğu nəzərə alınaraq, qərar verilib ki, o, GB-nin sədr müavini və İdarə Heyətindən çıxarılsın. Ona fəaliyyəti ilə bağlı xəbərdarlıq edilməyib. Bunu deyənlər şər atmasınlar. Məlumatı yayanlar yəqin ki, onun fəaliyyətini istəməyənlərdir”.
S. Orucov yeni tərkibə seçilənlərin adlarını da açıqlayıb. Qeyd edib ki, əvvəllər sədr müavini postunda beş nəfər təmsil olunurdu: “İndi isə dörd nəfərdir. Ramin Məmmədov, Samirə Quliyeva, Aytac Əliyeva köhnə tərkibdə olan sədr müavinləridir. Yeni daxil olan sədr müavini isə Əli Pənahovdur”.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.