Bu qəribə əhvalat sosial şəbəkədə qarşımıza çıxıb. Məsələnin hər kəsi maraqlandıra biləcəyini düşündük.
Facebook istifadəçilərindən biri yazır ki, hadisə bir neçə gün öncə paytaxtın məşhur restoranlarından birində baş verib. İki mərtəbəli restoranın birinci mərtəbəsində yer olmayıb deyə müştəri ikinci mərtəbədə oturmaq istəyib. Həmin mərtəbədə hava isti olduğu üçün ofisiantdan tələb edib ki, kondisionerləri qoşsun. O, müştərinin göstərişini yerinə yetirməyib və "müdiriyyət qoymur" deyə cavab verib. Administrasiyaya narazılığını bildirdikdən sonra kondisionerləri qoşublar.
Sonradan həmin müştəri içməyə şirəli su istəyib. Ona başqa şirəli su gətiriblər. Bu cür mübahisələr davam edərəkən, özü də hiss etmədən başqa adam onlara xidmət göstərməyə başlayıb və narazılıqlar aradan qalxıb. Hesabı ödəyib çıxmaq istəyəndə onlara xidmət edən şəxs onu saxlayıb və bu sözləri deyib:
"Mən ofisiant deyiləm administratoram, geyimimə fikir versəydiz, bilərdiz. Sizdən xoşum gəldi deyə özüm qulluq etdim. Amma bir də ofisiantlarla o cür acı danışmayın. Adətən onları əsəbləşdirəndə gətirdiklərinin içinə tüpürürlər"
Bu sözləri eşidən müştərinin halı dəyişəndə administrator narahatçılıq üçün əsas olmadığını deyib.
"Sizin sifarişləriniz təmiz idi. Amma bir də belə etməyin".
Həmin administrator və əhvalatı paylaşan Facebook istifadəçisi, bəlkə də, hər gür restoranda ofisiantlarla kobud davrananların üzərinə soyuq su çilədi.
Bizim bu mövzuda deyəcək sözlərimiz çox deyil. Bu, elə bir məsələdir ki, ona görə hansısa restoran rəhbərini qınamaq da olmaz. Çünki ofisiantların yeməyə tüpürmək vərdişlərinə nəzarət mexanizmi də tapmaq çətindir.
Ümidimiz yalnız ofisiantın vicdanına bel bağlamağa qalıb.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
