Ermənistan silahlı birləşmələrinin cəbhə xəttindəki təxribatları davam edir. Qarşı tərəf işğal altındakı ərazilərdə yenidən yanğınlar törədib. Yanğın Tərtərin təmas xəttində yerləşən Qapanlı kəndinin yaxınlığında günorta saatlarında başlayıb. Havanın küləkli olması alovun miqyasının daha da böyüməsinə səbəb olub. Yanğının kəndə keçməsi ehtimalına qarşı FHN-nin Tərtər yanğından mühafizə hissəsinin yanğınsöndürənləri əraziyə cəlb edilib. Kənd sakini Rasim Hüseynov deyir ki, hər gün belə yanğınlar olur: "Sönür, bir də yandırırlar, külək əgər kəndə tərəf əssə, 100% təsərrüfat sahəsinə keçərək taxılımıza ziyan vurar.
Kəndin əkin sahələri qarşı tərəfin mövqelərindən aydın göründüyü üçün arpa və taxıl biçini ya gecələr, ya da Qırmızı Xaç Komitəsinin müdaxiləsindən sonra mümkün olur. Bu səbəbdən də məhsulun toplanması gecikir. Əsəs məşğuliyyəti əkinçilik olan sakinləri ən çox narahat edən amillərdən biri də budur.
“Hardasa 100-200 hektar, dəqiq deyə bilmərəm. Amma onu deyə bilərəm ki, bütün taxıl və arpa zəmiləri hamısı durur. Yanğının sahələrə keçmə ehtimal var. Keçsə onu heç söndürmək mümkün olmayacaq”, – deyə kənd sakini Həsən İsgəndərov bildirib.
Kənd sakinlərindən əldə etdiyimiz məlumata görə, yanğın nəticəsində minalanmış ərazidə bir neçə dəfə partlayış səsləri də eşidilib.
Ağdam və Tərtər rayonlarının işğal altındakı ərazilərində günorta saatlarında başlayan yanğın 10 saatdan artıqdır ki, davam edir. Alovun cəbhə xətti boyunca əhatə etdiyi məsafə isə 10 km-ə yaxındır.
Yerli əhalinin sözlərinə görə, son günlər ərazidə intensiv atışma olmasa da, ara-sıra atəş səsləri də eşitmək mümkündür.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
