banner
banner

Sağlamlıq

Keçməyən kürək ağrılarına diqqət... Onurğa şişləri gizli inkişaf edir

Keçməyən kürək ağrılarına diqqət...

Onurğa şişləri bədən analizləri zamanı təsadüfən məlum olur və ya yeriməkdə çətinlik çəkməklə özünü büruzə verir.

Habertürk.com saytının məlumatına görə, ortopediya və travmatologiya üzrə mütəxəssis dr. Çağatay Öztürk onurğadakı lokal ağrılara diqqət edilməsi barədə xəbərdarlıq edərək risk altındakı xəstələrin bədən analizinin aparılmasının labüdlüyünü vurğulayıb.

Döş, ağciyər və bədənin müxtəlif yerlərində ortaya çıxa bilən şişlərin onurğaya keçməsi ilə əmələ gələn metastatik onurğa şişlərinin xəstənin müalicəsi zamanı hər zaman fərqinə varılmır və xəstənin iflic riski ilə qarşı-qarşıya qalmasına səbəb olur.

Geçməyən kürək ağrılarına diqqət

Onurğa və onurğa iliyi şişləri yerləşmə vəziyyətinə görə fərqli siqnallar verə bilər. Kürəkdə olan və istirahətlə keçməyən ağrı ən çox rastlanan şikayətlər sırasındadır. Yüksək hərarət, çəki itirmə, halsızlıq kimi xronik xəstəlik əlamətləri də müşahidə oluna bilər. Kürək və bel bölgəsində olan şişlər qollar və ayaqlarda keyləşmə hissi ilə yanaşı yeriməkdə də çətinlik yaradır. Çağatay Öztürk metastatik onurğa şişlərinin müalicəsində radiologiya və onkologiya mütəxəssislərinin birlikdə fəaliyyət göstərdiyini qeyd edib. Onun fikrincə, bədəninin başqa bölgəsində şiş olan xəstələri həm fiziki, həm də psixoloji olaraq metastatik onurğa şişinin müalicəsi üçün hazırlamaq lazımdır. Müalicə prosesi şişin yerləşdiyi bölgə, şişin böyüklüyü, xəstənin yaşı kimi faktorlardan asılı olaraq fərqli ola bilər. Cərrahi müdaxilə, radioterapiya, kemoterapiya, immunoterapiya kimi metodlar ayrı-ayrı və ya kompleks şəkildə istifadə edilərək xəstənin müalicə prosesinə başlanılır.

Həmçinin metastatik onurğa şişlərində əsas risk qrupunu 45 -65 yaşlarında xərçəng tarixçəsi olan kişilərin təşkil etdiyi vurğulanır.

Cia.az

 


Daha tez məlumatlanmaq üçün Facebook səhifəmizi




Oxşar xəbərlər

Soyuq duş alın, görün nə baş verəcək

Mütəmadi olaraq soyuq duş qəbul etmək insanın fiziki və psixoloji vəziyyətini yaxşılaşdıra, xəstəliyə görə işə çıxmadığı günlərin sayını azalda bilər.

Qarın piylərindən xilas olmaq üçün 5 ərzaqlı resept

Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.

Armudun bilmədiyimiz faydaları

Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.