HMC rəhbərinin prosesi yekunlaşıb; Rəsul Cəfərovun növbəti məhkəməsi iyulun 31-də olacaq
İyulun 21-də Bakı Apelyasiya Məhkəməsində Hüquq Maarifçiliyi Cəmiyyətinin (HMC) sədri İntiqam Əliyev və İnsan Haqları Klubunun sədri Rəsul Cəfərovun şikayətlərinə baxılıb. HMC rəhbərinin şikayəti təmin edilməyib və proses yekunlaşıb.
Bu barədə müsavat.com-a İ.Əliyevin vəkili Fəxrəddin Mehdiyev məlumat verib: “Apelyasiya Məhkəməsinin baxış iclası başa çatdı. Birinci instansiya məhkəməsinin qərarı qüvvədə saxlanıldı. Verdiyimiz vəsatətlərin heç biri təmin olunmadı. İntiqam Əliyev çıxış etdi. Təəssüf ki, hakim tərəfindən tez-tez mikrofon söndürülürdü. İlk vəsatətimiz o oldu ki, İntiqam Əliyev şüşə arxasından çıxarılsın. Onun hüquqlarının təmin olunmasına çalışdıq. Çox təəssüf ki, vəsatətimiz rədd edildi. Ona görə də onunla məsləhətləşmək üçün fasilələr oldu. Sonra proses iştirakçıları zaldan çıxarıldı. Bu hal iki dəfə təkrar olundu. Çox gərgin bir məhkəmə prosesi oldu. Qərardan Ali Məhkəməyə müraciət edəcəyik”.
Rəsul Cəfərovun növbəti prosesi isə iyulun 31-nə təxirə salınıb. Vəkil Fariz Namazlı “Yeni Müsavat”a açıqlamasında verdikləri vəsatətlərin təmin olunmamasından danışdı: “Rəsul Cəfərov barəsində ev dustaqlığının seçilməsi, onun müdafiəçilərinin yanında əyləşməsi və məhkəmə istintaqının aparılması ilə bağlı üç vəsatət verdik.
Məhkəmə istintaqının aparılması ilə bağlı vəsatətdə xahiş etdik ki, zərərçəkmişlərin statuslarına xitam verilsin. Çünki zərərçəkmişlərdən ikisi hökmdən apelyasiya şikayəti veriblər ki, biz zərərçəkən deyilik. Hər hansı bir zərər görmədiklərini bildiriblər. İşə xitam verilməsini xahiş ediblər.
Zərərçəkən şəxslər Ağır Cinayətlər Məhkəməsində də ifadə verərkən, eyni sözləri demişdilər. Birinci instansiya məhkəməsinə Rəsul Cəfərovun günahsız olduğunu sübut edəcək çoxlu sayda faktlar təqdim etmişdik. Həmin sübutlar məhkəmə tərəfindən araşdırılmadı. Yalnız ittiham tərəfinin sübutları araşdırıldı. Nəticədə 6 il yarım həbs cəzası verildi. Həmin sübutlar Apelyasiya Məhkəməsi tərəfindən araşdırılmalı idi ki, obyektiv qərar verilsin. Təəssüf ki, məhkəmə heç bir vəsatətimizi təmin etmədi. Məhkəmə istintaqı keçirilmədən apelyasiya şikayətinin yekun iclasını təyin etdi. Bu məhkəmə də iyulun 31-də olacaq”.
Qeyd edək ki, Ağır Cinayətlər Məhkəməsinin qərarı ilə İntiqam Əliyev 7 il 6 ay, Rəsul Cəfərov isə 6 il 6 ay azadlıqdan məhrum ediliblər.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.
Milli Kibertəhlükəsizlik Agentliyi (MKA) tərəfindən son günlərdə Dövlət Yol Polisinin adından vətəndaşlara qarşı həyata keçirilən fişinq hücumlarının artdığı müşahidə olunur.
“Çox kiçik bir dövr ərzində biz minimum əmək haqqını 130 manatdan artıq gətirib 400 manata, minimum pensiyanı 116 manatdan 320 manata çatdırmışıq. Burada yaxşı xəbər ondan ibarətdir ki, növbəti il də ölkəmizdə böyük sosial paket həyata keçiriləcək və bu sosial paketin reallaşdırılması üçün maliyyə təminatı da büdcədə ehtiyat vəsait kimi müəyyən edilib”.
Abşeronun şimal-şərqində yerləşən yaşayış məntəqələrini Bakı-Quba və Bakı-Şamaxı-Yevlax magistralları ilə birləşdirəcək Pirşağı-Novxanı-Xırdalan-M4 avtomobil yolu inşa olunur.
