Əksər hallarda qarpız yedikdə biz qarpızın tumlarını tullayırıq.
Qarpız tumları xalq təbabətində dəyərli müalicəvi məhsul sayılır və geniş istifadə olunur. Qarpız tumları təzə, qurudulmuş və qızardılmış şəkildə istifadə oluna bilər. Tumların qabığını soymaq və çeynəyib yemək lazımdır.
- Qarpız tumları orqanizmdən sidik turşusunu xaric edir və bu səbəbdən böyrək daşı xəstəliyi, podaqra, artrit zamanı müalicəvi vasitə kimi çox uğurla istifadə olunur.
- Qarpız tumlarının tərkibində olan sink və selen mineralları kişilər üçün xüsusilə xeyirlidir. Belə hesab olunur ki, qarpız tumları kişi orqanizminə "təbii viaqra" kimi təsir edir - potensiyanı (kişi gücü) artırır. Həmçinin tumlar prostat vəzinin sağlamlığını qoruyur, spermanın keyfiyyətini yaxşılaşdırır.
- Qarpız tumları insanın sinir sisteminə də müsbət təsir edir - sakitləşdirir, yuxunu yaxşılaşdırır.
- Qarpız tumları yaddaşı yaxşılaşdırır.
- Qarpız tumları qurdqovucu təsirə malikdir. Xalq təbabətində balqabaq tumları ilə yanaşı qarpız tumları da qurdqovucu vasitə kimi geniş istifadə olunur.
- Qarpız tumları ürək üçün də faydalıdır. Onların tərkibində "arginin" adlı aminturşusu var ki, bu aminturşusu ürəyin işemik xəstəliyinin riskini azaldır, arterial təzyiqini tənzimləyir.
- Qarpız tumalrı ürək və beyin damarlarının sağlamlığını qoruyan Omeqa-6 yağlı turşularla zəngindir.
- Tumlar bağırsaqları burada yığılan şlaklar, toksinlər və s. ziyanlı maddələrdən təmizləyir.
- Xalq təbabətində qarpız tumlarından müalicəvi "qarpız südü" hazırlayırlar. Bunun üçün təzə qarpız tumları həvəngdəstədə əzilir, üzərinə soyuq qaynanmış su əlavə olunur (1:10 nisbətində - məsələn, 1 qaşıq tum + 10 qaşıq su) və 6-8 saat ərzində qaranlıq yerdə saxlanılır. Daha sonra "süd" süzülür və sidik və ödqovucu və həmçinin qurdqovucu vasitə kimi (enterobioz və askaridioz zamanı) istifadə olunur.
Bu "süd" həmçinin kosmetik vasitə kimi dəridə səpgilər, piqment ləkələri, çillər zamanı istifadə olunur. "Süd" gün ərzində bir neçə dəfə dərinin problemli sahələrinə çəkilir.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.