Xəbər verdiyimiz kimi, bu gün Odessada gözlənilməz hadisə baş verib.
Odessa Şəhər Daxili İşlər İdarəsinin rəisi Oleq Makuxa 20 min dollar rüşvət alarkən yaxalanıb.
Milis rəisinin saxlanılması ilə nəticələnən əməliyyatı Ukrayna Təhlükəsizlik Xidmətinin "K" xüsusi bölümünün əməkdaşları və hərbi prokurorluğun müstəntiqləri birgə həyata keçirib. Oleq Makuxa Altestovo rayonunda, Kiyev şossesində tutulub.
Hüquq-mühafizə orqanlarının verdiyi məlumata görə, əməliyyatın baş tutmasında "Patriot" mühafizə şirkətinin rəhbəri Dmitri Kopılovun da köməyi olub.
Odessanın milis rəisinin saxlanılması barədə xəbəri baş prokurorun müavini Anatoli Matios da təsdiqləyib. O, bildirib ki, Makuxa "biznes sahəsində maraqlı qruplar arasındakı konfliktin həllinə kömək və əmlak üzərində nəzarəti təmin etmək məqsədilə" rüşvət tələb edib. Hüquq-mühafizə orqanları faktla bağlı ilkin istintaq hərəkətlərini davam etdirir.
Odessa vilayət administrasiyasının rəhbəri Mixail Saakaşvili baş vermiş hadisədən sonra şəhər milisini buraxıb, yeni heyət təşkil etmək təklifini irəli sürüb. Saakaşvili bildirib ki, o, Odessa milis barədə "mütəşəkkil kriminal struktur" fikrini səsləndirməkdə haqlı imiş.
Odessanın qubernatoru hesab edir ki, hazırkı milis heyətini buraxaraq, bu xidmətin tərkibini yenidən formalaşdırmaq lazımdır. Saakaşvili bu barədə fikirlərini facebook səhifəsində paylaşıb.
Saakaşvilinin sözlərinə görə, hazırda Odessa vilayət administrasiyası Daxili İşlər Nazirliyinin rəhbərliyilə birlikdə bütövlükdə hüquq-mühafizə sistemində korrupsiyaya qarşı mübarizə məqsədilə xüsusi qrup yaradır. Odessanın qubernatoru vurğulayıb ki, "təmizləmə" əməliyyatı və həbslər davam edəcək.
* * * 10:38
Ukrayna DİN-in Odessa şəhəri üzrə İdarəsinin yeni təyin edilmiş rəisi Oleq Makuxa avqustun 27-də 20 min dollar məbləğində rüşvət alan zaman saxlanılıb.
APA-nın “TASS”a istinadən verdiyi xəbərə görə, Ukrayna Baş Prokurorluğunun məlumatına əsasən, məmur korporativ münaqişəyə qanunsuz dəstək göstərməsinə görə külli miqdarda pul tələb edib.
Qeyd edək ki, Oleq Makuxa Ukrayna DİN-in Odessa üzrə İdarəsinin rəisi vəzifəsinə iyulun 1-də Odessa vilayətinin milis idarəsinin yeni rəisi Georgi Lortkipanidze tərəfindən təyin edilib. Yeni təyinatınadək Oleq Makuxa Nikolayev vilayətində Mütəşəkkil Cinayətkarlığa qarşı Mübarizə İdarəsinin rəisi vəzifəsində çalışıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.