banner
banner

Gündəm

Məmməd Aslan ilə vida mərasimi keçirilib - FOTOLAR

Məmməd Aslan ilə vida mərasimi keçirilib -
Məmməd Aslan ilə vida mərasimi keçirildi
Bu gün əməkdar mədəniyyət işçisi, Azərbaycan Yazıçılar Birliyinin üzvü, şair Məmməd Aslan ilə vida məraimi keçirilib. Tədbir paytaxt Bakıdakı Əjdərbəy (Göy) məscidində baş tutub. 
Mərasimdə əməkdar incəsənət xadimi, aşıq Ədalət Nəsibov, Azərbaycan Yazıçılar Birliyinin üzvü, “525-ci qəzet”in baş redaktoru Rəşad Məcid və digər tanınmış şəxslər, yazıçı və şairlər iştirak edib.
Aşıq Ədalət Nəsibov mərasimdə çıxış edərək şair dostu ilə bağlı xatirələrini danışıb, onun vaxtsız vəfatından təəssüfləndiyini bildirib.
 
Daha sonra tədbir iştirakçıları mərhumun ruhuna dualar oxuyub, Allahdan rəhmət diləyiblər. Şairin cənazəsi məsciddən qaldırılaraq dəfn olunmaq üçün Xırdalanda Kəlbəcər köçkünlərinin qəbiristanlığına aparılıb. 
 
Qeyd edək ki, ötən gecə Zaqatalada qızının evində dünyasını dəyişən şair uzun müddətdir ağır xəstəlikdən əziyyət çəkirdi.
 
Xatırladaq ki, Məmməd Aslan 1939-cu il dekabrın 24-də Kəlbəcər rayonunun Laçın kəndində anadan olub. Orta məktəbi bitirdikdən sonra Azərbaycan Pedaqoji İnstitutunun filologiya fakültəsində təhsil alıb.
 
Əmək fəaliyyətinə Kəlbəcər rayonundakı Yanşaq, İstisu kənd məktəblərində müəllim kimi başlayıb. O, Kəlbəcər qəsəbəsində bir müddət müəllimlik etdikdən sonra rayonda nəşr olunan çoxtirajlı "Yenilik" qəzeti redaksiyasında məsul katib işləyib. 1970-ci ilin axırlarında Bakıya köçüb, burada "Ulduz", "Azərbaycan təbiəti" jurnallarında, "Azərbaycan gəncləri", "Ədəbiyyat və incəsənət" qəzetlərində çalışıb, "Yazıçı" nəşriyyatında böyük redaktor olub. Azərbaycan Dövlət Teleşirkətinin "Ekran-Efir" qəzetinin baş redaktoru olub.
 
Bir sıra beynəlxalq və respublika mükafatları laureatıdır. 2000-ci ildə "Şöhrət" ordeni ilə təltif edilib.
 
 











Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.