"Keçən il ilə müqayisədə Azərbaycana olunan kiberhücümlar 30% artıb ". Bunu Rabitə və Yüksək Texnologiyalar Nazirliyi Yanında Elektron Təhlükəsizliyi Mərkəzinin rəhbəri Faiq Fərmanov ANS PRESS-ə bildirib.
O, qeyd edib ki, saytlara hücumlar hər gün olur. Lakin bu hücumların bəzisi uğurlu, bəzisi isə uğursuz alınır. Buna görə də hər bir resurs öz sistemini özü qorumalıdır. Dövlət qurumlarının saytlarının təhlükəsizliyini isə Xüsusi Dövlət Mühafizə Xidməti (XDMX) qoruyur.
Faiq Fərmanov qeyd edib ki, "kiberfəzada hücumlar olarkən kimlər tərəfindən bu addımın atıldığını bir mənalı müəyyən etmək mümkün olmur. Çünki Ermənilər bəzən Çin ipləri ilə saytlara hücum edə bilirlər. Hücum edən tərəf bunu özü bəyan etmədikdə, bunu müəyyən etmək çətinləşir". Lakin keçirilən monitorinqlər zamanı edilən kiberhücumları müəyyən edirik.
Onu da qeyd edək ki, bir neçə gün öncə ermənilərin Azərbaycanın məxfi sənədlərini ələ keçirdikləri xəbəri yayılmışdı.
Ermənistan mətbuatında bir erməni xaker qrupunun Azərbaycan dövlət qurumlarının saytlarına kiber hücum təşkil etdiyi iddia edilirdi. Bildirilirdi ki, xakerlər nazirliklərin saytına hücum edərək vurulmuş erməni helikopteri və cəsədlərlə bağlı məxfi məlumatlar əldə ediblər.
Rabitə və yüksək texnologiyalar nazirinin müşaviri Müşviq Əmirov isə yayılan məlumatların yalan olduğunu vurğulamışdı.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
