banner
banner

Gündəm

General Çovdarovun şikayəti təmin olunmadı

General Çovdarovun şikayəti təmin olunmadı

MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov Səbayel Rayon Məhkəməsinin barəsində çıxardığı 3 aylıq həbs-qətimkan tədbirinin ev dustaqlığı ilə əvəzlənməsi üçün apelyasiya şikayəti verib.

Cia.az “Yeni Müsavat”a istinadən xəbər verir ki, A.Çovdarovun şikayətinə bu gün səhər qapalı keçirilən məhkəmə iclasında baxılıb və sabiq rəisin şikayəti təmin olunmayıb.

Mənbə deyib ki, A.Çovdarov Bakı Apelyasiya Məhkəməsində dustaqlar üçün saxlama yerinə aparılarkən məhkəmə nəzarətçilərindən ona xüsusi münasibət sərgimələrini tələb edib. Həddən artıq əsəbi olan və yuxusuz görünən A.Çovdarov general olduğunu xatırladaraq nəzarətçiləri hədələyib. Nəzarətçilər isə sabiq rəisə xatırladıblar ki, onlar üçün dustağın həbsinə qədər hansı vəzifəni daşıması o qədər də əhəmiyyət kəsb etmir.

Əli qandallı A.Çovdarov konvoyun müşayiəti Bakı İstintaq Təcridxanasına qaytarılıb. A.Çovdarov Cinayət Məcəlləsinin 308.2, 309.1, 302.2-ci və 311-ci maddələri ilə təqsirləndirilib. MTN-in Energetika və Nəqliyyat Sahələrində Təhlükəsizlik Baş İdarəsinin həbs edilmiş sabiq əməkdaşları da A.Çovdarovun əleyhinə ifadə veriblər. Bundan əvvəl MTN-in Energetika və Nəqliyyat Sahələrində Təhlükəsizlik Baş İdarəsinin idarə rəisi Akif Əliyev, şöbə rəisi Orxan Osmanov, həmçinin Transmilli Mütəşəkkil Cinayətkarlığa Qarşı Mübarizə Baş İdarəsinin əməkdaşları Natiq Alıyev və Zaur Məmmədov barəsində də həbs-qətimkan tədbiri seçilib.

 Cia.az


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.