Ordumuz düşmən qərargahını vurdu, polkovnik və daha bir neçə erməni hərbçisi öldü
İnternet resurslarında Azərbaycan artilleriyasının işğal altındakı ərazilərdə Ermənistan ordusunun mövqelərinə sərrast zərbə endirməsinə dair görüntülər yayılıb.
Virtualaz.org saytı xəbər verir ki, pilotsuz kəşfiyyat təyyarəsindən çəkilmiş görüntülərə əsasən erməni ordusunun təmas xəttində, yaxud təmas xəttinə yaxın yerləşən mövqelərində əvvəlcə “pikap” tili avtomobillər və bir neçə hərbçi görünür.
Daha sonra bir-birinin ardınca artilleriya mərmiləri partlayır və düşmən qüvvələrinin mövqeləri dəqiq zərbələrə məruz qalır.
Bu zaman həmin mövqelərdə olan erməni hərbçilərinin öldüyü və yaralandığı şübhəsizdir.
Videokadrları report.az saytı internet mənbələrinə istinadən yayıb.
Məlumata görə, ölən və yaralananlar arasında Dağlıq Qarabağdakı separatçı rejimin yüksək rütbəli hərbi rəhbərləri də olub. Həmçinin ölənlər arasında dağ-piyada diviziyası komandirinin müavini, polkovnik Aratyunan Cəlal Anatolyeviç də var.
Bu hadisənin nə vaxt baş verdiyi məlum olmasa da ehtimal edilir ki, videokadrlar Azərbaycan ordusunun düşmən mövqelərinə bir gün əvvəl endirdiyi zərbələri əks etdirir.
Dekabrın 4-nə keçən gecə Ermənistan qüvvələri bir neçə istiqamətdən ordumuzun mövqelərinə həmlə etməyə cəhd edib. Bu zaman Azərbaycan ordusunun bölmələri düşmənin həmlələrinin qarşısını alıb və əks-zərbələrlə onu geri oturdub. Düşmənin xeyli tki verdiyi bildirilsə də Dağlıq Qarabağdakı rejimin “müdafiə nazirliyi” cəmi bir hərbçinin öldüyünü təsdiq etmişdi.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
