ABŞ-ın İstanbuldakı Konsulluğu çərşənbə günü təhlükəsizliklə əlaqədar işini dayandıracaq.
Oxu.az RİA Novosti-yə istinadən xəbər verir ki, bu barədə konsulluğun saytında məlumat yayılıb.
“Mümkün təhlükə barədə məlumata görə, ABŞ-ın İstanbuldakı səfirliyi 2015-ci ilin 9 dekabr tarixində məhdud rejimdə çalışacaq”, - elanda deyilir.
Həmçinin qeyd edilir ki, bu gün üçün planlaşdırılmış xidmətlər başqa tarixə təyin ediləcək.
Konsulluq ABŞ vətəndaşlarını “yüksək səviyyəli sayıqlıq göstərmək, yerli hadisələri təqib etmək və öz təhlükəsizliyinin səviyyəsini möhkəmləndirmək üçün tədbirlər görməyə çağırıb”.
Qeyd edilir ki, Ankarada səfirlik, Adanada konsulluq və İzmirdəki nümayəndəlik adi rejimdə çalışacaq.
Təhlükə xarakteri dəqiqləşdirilmir.
Dövlət departamenti də konsulluğun işinin məhdudlaşdırılması barədə məlumatı şərh edib.
“Bütün konsulluq fəaliyyəti deyil, adi (konsulluq) xidmətləri dayandırılacaq.
Məsələn, müraciətlərin qəbulu, müsahibələr dayandırılacaq, amma zəruri konsulluq fəaliyyəti həyata keçiriləcək”, - Dövlət Departamentinin rəsmi nümayəndəsi Con Kirbi brifinqdə bildirib.
O təsdiq edib ki, ABŞ öz vətəndaşlarına konsulluğun yerləşdiyi rayonda təhlükə barədə xəbərdarlıq edib, amma məhz hansı təhlükədən söhbət getdiyini dəqiqləşdirməyib.
“İnsanların İstanbulda konsulluq ətrafında olan təhlükələrə qarşı diqqətli olmalarını istəyirik və biz onlara təhlükəsizlik baxımından bu ərazidən kənar durmaq barədə xəbərdarlıq etmişik”, - Kirbi bildirib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.