“Günəşli” yatağındakı 10 saylı dərin dəniz özülündə baş vermiş yanğının söndürülüməsi üçün cəlb edilən mütəxəssislər bu gündən işə başlayacaqlar. Onlar yerli mütəxəssislərlə birgə alovun söndürülməsi istiqamətində məsləhətləşmələr aparırlar. Günün ikinci yarısında işə başlayacaqları gözlənilir".
Cia.az xəbər verir ki, bu barədə Anspress-ə baş vermiş hadisəylə bağlı yaradılmış qərargahdan məlumat veriblər. Qərargahdan onu da bildirdilər ki, yanğın nəticəsində dənizdə itkin düşənlərin axtarışları davam etdirilir: "Hazırda axtarışları Fövqəladə Hallar Nazirliyinin helikopterlərindən başqa "Azərbaycan Hava Yolları" (AZAL) QSC-nin də üç helikopteri həyata keçirir. AZAL-ın vertolyotları platformalara insanları daşıyır. Dənizin üzərində hansısa cəsəd gördüklərində dərhal FHN helikoperlərinə məlumat veririlər. Hava şəraiti ilə bağlı axtarışları müvəqqəti dayandıran helikopterlər də hazırda tam gücü ilə axtarışları davam etdirir. Gəmilərin və dalğıclar da öz işini görür. Ancaq hələlik itkin düşənlərdən heç birinin cəsədi tapılmayıb".
Dekabrın 4-ü axşam saatlarında “Günəşli” yatağındakı 10-cu dərin dəniz özülündə güclü yanğın hadisəsi baş verib. SOCAR-dan verilən məlumata görə, baş verən güclü tufan saat 17.40 radələrində “Günəşli” yatağındakı 10-cu dərin dəniz özülündə qaz xəttini sıradan çıxarıb, nəticədə yanğın olub.
Rəsmi məlumata görə hadisə baş verən zaman platformada 63 nəfər olub. Onlardan 1-i dünyasını dəyişib, 33 nəfər təxliyyə olunub. 23 nəfərin taleyi isə hələlik naməlumdur. Onlar itkin düşmüş elan edilib. Bir neçə gün əvvəl itkin düşənlərdən 6 nəfərin cəsədi dekabrın 7-də tapılıb. Onlar platformadan 65-70 kilometr aralıda tapılıb.
Hazırda axtarışları davam etdirilən şəxslər isə bunlardı:
1 Qasımov İman Şura o. 01.12.1967
2 Qasımov Mübariz Dilqəm o. 21.01.1958
3 Rzaxanov Edik Rivazin o. 15.01.1983
4 Babazadə Tural Fətəli o. 01.09.1993
5 Quliyev Əzizağa Nöhbala o. 16.09.1953
6 Rəsulov Elşad Balaoğlan o. 24.03.1971
7 Qasımov Bayram Mirzəağa o. 20.03.1978
8 Abdullayev Adil Ələkbər o. 19,02,1953
9 Əbdüləzizov Əbdüləziz İsmayıl oğlu 30.01.1954
10 Şirəliyev İzzət Qəmbər o. 10.05.1973
11 Nəcməddinov Qəmərşah Nəcməddin o. 20.09.1978
12 Niyazov Seyfəddin Abil o. 09.02.1968
13 İskəndərov İnqilab Osman o. 29.11.1957
14 Mayborda Oleq Akimoviç 21.11.1971
15 Əhmədov Çanbaxış Əhməd o. 21.02.1962
16 İbrahimov Xalid Bəşir o. 12.08.1971
17 Həsənov Zaur Vahid o. 24.12.1975
18 Cəriyev Vəli Kiçikağa o. 22.04.1967
19 Hüseynov Bəhlul Sirac o. 25.11.1969
20 Səmədov Xoşbəxt Xanış o. 26.09.1981
21 Xəlilov Zaur Arif o. 15.09.1975
22 Sahmarov Sahib Güloğlan o. 02.08.1973
23 Əliyev Əyyub Xəlil o. 22.07.1973
Bundan əlavə dekabrın 4-də saat 12.30 radələrində “Neft Daşları” NQÇİ-nin 501 nömrəli özülündə də qəza verib. Güclü tufan nəticəsində dalğalar estakada döşəməsini üstündəki yaşayış budkası ilə birlikdə uçurub dənizə atıb. Bu zaman budkada buxar aqreqatının maşinisti 1971-ci il təvəllüdlü Cavad Xudaverdi oğlu Xudaverdiyev, səyyar aqreqatın matorçuları-1961-ci il təvəllüdlü Bəhmən Nadir oğlu Cəfərov və 1974-cü il təvəllüdlü Rövşən Nadir oğlu Məmmədov olub.
Onların da axtarışı davam edir.
