Erməni məsələsi üzrə mütəxəssis Ərdoğanın baş müşaviri oldu
Türkiyədə hakim Ədalət və İnkişaf Partiyasından olan keçmiş millət vəkili, tarixçi Seyit Sərtçelik prezidentin baş müşaviri vəzifəsinə təyin olunub.
APA-nın "Sözcü" qəzetinə istinadən verdiyi məlumata görə, akademik karyerası olan tarixçinin əsas fəaliyyət sahəsi erməni məsələsidir.
Türkiyə mətbuatı bu təyinatı "Su-24" təyyarəsinin vurulmasından sonra Rusiyanın Ermənistanla münasibətləri daha da inkişaf etdirmək istiqamətindəki addımları ilə əlaqələndirir. Həmçinin bildirilir ki, Dağlıq Qarabağ münaqişəsi ilə əlaqədar son vaxtlar gərginlik artıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.