Özünü asdığı bildirilən aktyor danışdı: “Eşidəndə şoka düşdüm...”
“Aktyor Asim Məmmədovun özünü asması xəbəri yalandır”.
Bu barədə Mingəçevir Dövlət Dram Teatrının direktor müavini Vüsal Məmmədov “Yeni Müsavat”a açıqlamasında bildirib. Onun sözlərinə görə hadisənin baş verdiyi iddia olunan vaxtda aktyor tamaşada məşqdə olub: “Həmin vaxt teatrımızda yenicə baş rejissor təyin olunan Xəzər Gəncəlinin rəhbərliyi ilə “Müfəttiş” tamaşasının məşqi gedirdi. Məşq prosesi zamanı, aktyorun da orda iştirak etdiyi bir vaxtda gördük ki, mətbuatda aktyorun özünü asması ilə bağlı xəbərlər yayılıb. Dərhal aktyorla görüşüb məsələni aydınlaşdırmağa çalışdıq. O, bildirdi ki, belə bir hadisə olmayıb. Sadəcə onun adından istifadə edilib”.
Teatr rəsmisi bildirib ki, bu məsələdə bu yaxınlarda teatrdan qovulan aktyor İbrahim Salamovun “xüsusi əməyi” var: “Aktyor Asim Məmmədovun kənarda 7-8 min borcu var. Bundan xəbər tutan İbarhim Salamov onunla görüşüb məsləhət edib ki, “gəl sənin məsələni mətbuata qaldırıb şişirdək, bundan sonra borclu olduğu adamlar qaçıb gizlənəcək və səndən heç kim pul tələb etməyəcək”. Daha sonra hansısa jurnalist Asim Məmmədova zəng edərək onun borcu olub-olmadığı barədə sual verib və mətbuatda əsassız məlumat dərc edib. Bu barədə Asim Məmmədov öz izahatında bildirib və bizə İbrahim Salamovun ona yazdığı mesajları göstərib”.
Vüsal Məmmədov əsassız məlumatın yayılmasına görə bəzi jurnalistləri qınayıb: “Bəzi jurnalistlər reytinq xətrinə bir insanın taleyi ilə oynayır. Asim Məmmədov teatrın sevilən, ali dərəcəli aktyorudur. Bu, sadəcə Salamov İbrahimin teatrımıza qarşı növbəti çirkin bir oyunu, kompaniyasıdır. Aktyorun kimsə borcu varsa onun teatra nə dəxliliyi var?
Asim Məmmədov özü də mətbuata açıqlama verərək bildirib ki, əgər belə bir hadisə olsaydı olsaydı onun boğazında hansısa izlər olardı”.
Məsələ ilə əlaqədar aktyorun özü ilə əlaqə saxladıq. Aktyor həqiqətən borcu olduğunu, lakin heç vaxt intihar etmək barədə düşünmədiyini deyib: “Bir neçə gün bundan əvvəl İbrahim Salamovla görüşüb borcum olduğunu demişdim. O da təklif etdi ki, gəl bunun mətbuata çıxardaq. Lakin mətbuata hansı məlumat verdiyindən xəbərsizəm. Dünən bir jurnalist mənə zəng edib borcum olduğu barədə soruşdu, mən də cavab verdim ki, var. Daha sonra isə xəbər tutdum ki, mətbuatda yayılıb ki, guya mən teatrın tualetindən özümü asmışam. Bu barədə eşidəndə şoka düşdüm. Qohumlarım da çox narahat olublar. Məlumat tamamilə yalan və əsassızdır.”
Onu da əlavə edək ki, Mingəçevir Dövlət Dram Teatrı ali dərəcəli aktyoru Asim Məmmədovun barəsində mətbuatda yalan məlumat yayıldığı barədə bəyanat yayıb.
Xatırladaq ki, ölkə.az saytında yayılan məlumata görə Mingəçevir Dövlət Dram Teatrının aktyoru Asim Məmmədov intihara cəhd etmək istəyib. Aktyor özünü teatrın tualetində assa da, son anda onu xilas etmək mümkün olub.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.