Rejissor-aktyor Özcan Dəniz prodüserliyini etdiyi “Her şey aşktan” filminin mətbuat konfransını keçirib. Sənətçi jurnalistlərin suallarını cavablandırıb. Özcan musiqi karyerasına son qoymaqla külli miqdarda qazanc itirdiyini deyib: “Mən ən çox qazanan müğənnilərdən idim. Əgər müğənnilikdən getməsəydim, indiyədək 50 milyon lirə (təxminən 26 milyon manat) gəlir əldə etmişdim. Yəni, 50 milyondan imtina etdim. Kino musiqiyə nisbətən qazancı az olan sektordur. Üstəlik, prodüser kimi üzərinizə riskli məsuliyyət də götürürsünüz. Bununla belə, kino mənim üçün ideal sahədir”.
Yeni layihələrindən danışan Ö.Deniz “İstəsəniz, 2022-ci ilədək çoxlu layihə adı deyərəm. Dayanmadan film çəkəcəyəm” söyləyib.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
