Müğənni Orxan Gəncəbay ölümlə hədələndiyi üçün evini satır. 5 ay əvvəl samsunlu bir qrup gənc tərəfindən evinin qarşısında təhdid edilən ifaçı bundan narahat olub. Bilinməyən səbəblərdən Gəncəbaya söyüşlər yağdıran qrup üzvləri mühafizəçini döyərək Orxanı öldürəcəklərini deyiblər. Şübhəli şəxslər daha sonra saxlanılsa da, ifaçı onlardan şikayətçi olmayıb. Hadisənin böyüdülməsini istəmədiyini deyən Orxan Gəncəbaya bu addımına görə qonşuları sərt reaksiya göstəriblər. Qonşularıyla arası gərginləşən müğənni illərdir yaşadığı mənzili 4, 5 milyon lirəyə satır.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
