Müğənni Aysel Əlizadə “Porsche” markalı avtomobili ilə qəzaya düşüb. Lent.az-ın məlumatına görə, eyni istiqamətdə hərəkət edən avtomobil qaydaları pozaraq müğənninin və digər vətəndaşın avtomobilini vurub. Qəza zamanı müğənni ciddi xəsarət almayıb.
Həkim müayinəsinə ehtiyacı olmadığını bildirən sənətçi deyib ki, bir ay maşınsız qalmalı olacaq: “Avtomobil elə vəziyyətdədir ki, 1 ay təmir olunmalıdır. Hadisəni törədən şəxs ziyanı ödəyəcək. Səbail rayon Polis İdarəsində cinayət işi başlayıb, araşdırma aparılır”.
Qeyd edək ki, müğənninin idarə etdiyi "Porsche gts” markalı avtomobilin qiyməti 130 min manatdır.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.