banner
banner

Gündəm

Nərimanovda böyük söküntü başlayır İCRA BAŞÇISI ANONS VERDİ

Nərimanovda böyük söküntü başlayır İCRA BAŞÇISI ANONS VERDİ

Bakı şəhərinin giriş qapısı sayılan Heydər Əliyev prospektinin yenidən qurulması layihəsinə uyğun olaraq istismar müddətini keçmiş və sökülmüş 8 ədəd yaşayış binasının yerində müasir milli memarlıq üslubunda 4 ədəd yaşayış binasında işlər sona çatdırılıb.

Bunu Nərimanov Rayon İcra Hakimiyyətinin başçısı Abidin Fərzəliyev deyib. O bildirib ki, rayonda qəzalı vəziyyətdə olan binaların sökülərək yerində müasir tələblərə uyğun yeni binaların tikilməsi və həmin binalarda yaşayan sakinlərin mənzil-məişət şəraitinin yaxşılaşdırılması ilə bağlı qərarın növbəti mərhələsi başlayıb, rayon üzrə 11031 nəfərin yaşadığı 3028 ədəd mənzillərdən ibarət olan 219 yaşayış binasının sökülməsi planlaşdırılır.

İcra başçısı müvafiq sərəncamlara uyğun olaraq 3 ədəd hündürmərtəbəli və çoxmənzilli yaşayış binalarının lahiyələndirilməsi və inşa edilməsi üçün müvafiq torpaq sahələrinin binaları inşa edəcək şirkətlərin istifadəsinə verilməsinin qərara alındığını, yeni yaşayış binalarının inşa ediləcəyi ünvanlar və şirkətlərin artıq müəyyənləşdirildiyini deyib.

Bu layihələrin iş adamları tərəfindən həyata keçirilməsi nəticəsində orada yaşayan sakinlərin, əvvəlki mənzillərinin sahəsindən 20-30% artıq olmaqla tam təmirli mənzillərlə təmin olunacağını bildirb. Tikintinin aparıldığı müddətdə isə şirkətlər tərəfindən sakinlərə kirayə haqqı ödəniləcəyini qeyd edib.

Məsələ ilə əlaqədar Nərimanov rayon İcra Hakimiyyətinin sənədlərlə iş şöbəsinin məsləhətçisi İlkin Əsədov virtualaz.org-a açıqlamasında bildirib ki, söküləcək binaların sakinləri ilə hələ danışıqlar aparılmayıb. Sakinlərlə binanın sökülməsindən start verilməsindən 1–1,5 ay əvvəl razılıq əldə olunacaq:

“Hazırda sökülməsi nəzərdə tutulan binaların layihələndirmə işləri gedir. Artıq 3 layihə var. Siyahıda isə ümumilikdə 219 bina var. Bu binalar 5 il ərzində mərhələli şəkildə söküləcək və yerində yenisi tikiləcək”.

İcra hakimiyyəti rəsmisinin sözlərinə görə, may ayında ilkin layihələndirmənin başa çatması gözlənilir: “Bundan sonra təsdiqlənəcək, məlum olacaq ki, layihə qəbul olunmur. Ondan sonra isə biz siyahıya uyğun olaraq binaların sakinləri ilə danışıqlar aparıb razılığa gələcəyik”.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.