Erməni tankları Qarabağda cəmləşir, terrorçular böyük döyüşə hazırlaşır - FOTO, VİDEO
Ermənistan ordusunun Qarabağda son görüntüləri yayılıb.
Qarşı tərəf cəbhə xəttinə texnika toplayır. Kəndlərimizi atəşə tutan ermənilər iri çaplı silahlardan, haubitsalardan istifadə edir.
Ermənistan KİV-nin yaydığı görüntülərdən qarşı tərəfin ordusunda yaşlıların olduğu diqqət çəkir. 90-cı illərdə Qarabağda döyüşmüş yaşlı ermənilər, Suriyadan, Livandan gələn erməni əsilli terrorçular Qarabağda cəmləşib. İnsanlıqdan çıxmış bu terrorçular xüsusilə gecələr kəndlərimizi atəşə tutaraq mülki şəxsləri hədəf seçirlər.
Fotolarda ermənilərin məhv edilən hərbi texnikaları da gözə dəyir. Məğlub olmağa məhkum olan Ermənistan ordusuna kişi qıtlığı səbəbindən qadınlar da cəlb edilib.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
