Amerikadan Azərbaycana qarşı təxribat – “95 faiz erməni”
ABŞ Beynəlxalq Münasibətlər Şurasının “Global Conflict Tracker” (Qlobal Münaqişə İzləyicisi) hesabatında Azərbaycana qarşı növbəti təxribata yol verilib.
CİA.Az Azvision.az-a istinadən xəbər verir ki, hesabatda “Baxmayaraq ki, Dağlıq Qarabağ əhalisinin 95 faizi etnik cəhətdən ermənidir, ərazi beynəlxalq aləmdə Azərbaycanın bir hissəsi olaraq tanınır. Altı illik müharibədən sonra 1993-cü ildə münaqişə tərəfləri arasında atəşkəs rejimi elan edilib. Lakin son zamanlar tərəflər arasında ciddi toqquşmalar qeydə alınıb. 2014-ci ilin avqust ayında Azərbaycan və Ermənistan əsgərləri arasında silahlı atışmalar nəticəsində hər iki tərəfdən onlarla əsgər qətlə yetirilib. Bundan əlavə, 2014-cü ildə Azərbaycan hərbçiləri tərəfindən Ermənistan helikopteri vurulub”, - deyə qeyd edilib.
Bundan başqa məlumatda yer alan “Dağlıq Qarabağ əhalisinin 95 faizi etnik cəhətdən ermənidir” ifadəsi həqiqəti tamamilə əks etdirmir. Belə ki, tarixən Azərbaycan ərazisi olan Qarabağda azərbaycanlıların sayı ermənilərin sayından dəfələrlə çox olub.
Hesabatda gərginliyin artmasının regiondan neft və qaz tədarükünə də mane ola biləcəyi xüsusi vurğulanıb: “Çünki, özünü etibarlı neft və qaz tədarükçüsü kimi bütün dünyada tanıdan Azərbaycan gündəlik olaraq Avropa və Mərkəzi Asiyaya 881,000 barel neft ixrac edir. Bu regionda gərginliyin artması şübhəsiz ki, neft və qaz tədarükünə təsir edəcək ki, bu da ABŞ maraqlarına ziddir və dünya neft bazarında əlavə gərginlik yarada bilər".
Hər il Beynəlxalq Münasibətlər Şurası dünyadakı hadisələrlə bağlı proqnozlarını nəşr edir. Burunla da Şura bu münaqişələrin ABŞ və onun maraqlarına necə təsir edəcəyini araşdırmağa çalışır. Şura ABŞ qarşısında olacaq riskləri daha yaxşı anlamaq üçün 2200-dən çox hökumət məmuru və xarici siyasət üzrə ekspertlərdən 2015-ci ilə dair proqnozları soruşub.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
