Tarix boyu Ermənistan Azərbaycan xalqına düşmənçilik mövqeyindən çıxış edib, yüzilliklər boyu bunu nümayiş etdirib.
Bu sözləri Azərbaycanın müdafiə naziri Zakir Həsənov Qəbələdə Azərbaycan-Gürcüstan-Türkiyə müdafiə nazirlərinin üçtərəfli görüşünün yekunlarına həsr olunmuş mətbuat konfransında bildirib.
Nazirin sözlərinə görə, Azərbaycan ordusu cəbhədə erməni təxribatlarının qarşısını alır və gələcəkdə də alacaq.
“Silahlı Qüvvələrin Ali Baş Komandanı, Prezident İlham Əliyev dəfələrlə bəyan edib ki, Azərbaycan sülh tərəfdaşıdır və məsələni sülh yolu ilə həll etmək istəyir. Lakin son illər göstərir ki, beynəlxalq qərarların (Ermənistanın işğalçılıq siyasətinə son qoyması ilə bağlı – red.) həyata keçirilməsində böyük problemlər var. Ona görə də, biz güclü olmalı, ordumuzu gücləndirməliiyk. Silahlı Qüvvələrimiz yüksək döyüş hazırlığına malikdir və bu gün prezidentin orduda həyata keçirdiyi islahatlar öz bəhrəsini verir. Azərbaycan ordusu qarşısında duran vəzifələrini yerinə yetirməyə qadirdir və hazırdır”, - deyə, nazir bildirib.
Ermənistan qoşunlarının mülki əhalini atəşə tutması ilə bağlı sualı cavablandıran nazir bildirib ki, gələcəkdə də bu təxribatların qarşısı alınacaq və düşmənə daha ağır zərbə vurulacaq:
“Son təxribatlar onlara çox baha başa gəldi, həm canlı qüvvə, həm də texnika baxımından çoxsaylı itki verdilər. Bu gün Prezident və Azərbaycan xalqı Silahlı Qüvvələrinin fəaliyyətini yüksək qiymətləndirir. Ordunun şəxsi heyəti bu dəstəyi hiss edir”.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
