Bu gün Xankəndidə son “məhkəmə” iclası keçiriləcək girovlardan biri buraxıla bilər.
ANS PRESS-in məlumatına görə, bu barədə girovların yaxın dostu tanınmış jurnalist Səbuhi Rəhimli sosial şəbəkədə Dilqəm Əsgərov və Şahbaz Quliyev barədə bu gün paylaşdığı statusunda bildirib.
Səbuhi Rəhimli Azərbaycan ictimaiyyətini girovların hər ikisini azad etmək üçün mübarizəyə çağırıb.
“Ən qorxduğum amil odur ki, Dilqəm Əsgərovun ciyərləri çox ağır xəstə idi. Şahbaz Quliyevdə isə hepatit C vardı. Hər ikisi ölüm riski ilə üz-üzə qalıblar. Aydındır ki, Xankəndidə onlara pis baxırlar, şəraitləri ağırdır. Hətta ilk “məhkəmə”də, gördüyünüz kimi, Dilqəmin diş protezi yox idi. Qırmızı Xaç deyəsən bunu görmək üçün böyük eynək taxmalıdır. Bilənlər bilir ki, protezsiz danışmaq çətindir, ifadələr aydın eşidilmir, xörək yemək isə ondan da çətindir. Hər halda, ermənilər bunu nəzərə alıb Dilqəmə hər gün sulu xörək və yumşaq çörək verən deyillər. Bir daha hər bir soydaşımızdan xahiş edirəm ki, bu gün haqq səslərini qaldırsınlar”, - deyə Səbuhi Rəhimli vurğulayıb.
Xatırladaq ki, yaxınlarının məzarını ziyarət etmək üçün doğma kəndlərinə getmiş Şahbaz Quliyev, Dilqəm Əsgərov iyulun 11-də Kəlbəcərdə girov düşüb. Həsən Həsənov isə saxlanılarkən öldürülüb.
Ermənilər saxlanılan şəxsləri diversant kimi təqdim edir. Xankəndində Dilqəm Əsgərov və Şahbaz Quliyev üzərində "məhkəmə" qurulub.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
