NATO ölkələrinin xarici işlər nazirləri mayın 19-da Monteneqronun Alyansa qoşulması haqqında sənədi imzalayacaqlar.
Virtualaz.org "Rosbalt"a istinadən bildirir ki, bu barədə NATO-nun baş katibi Yens Stoltenberq bəyan edib.
O deyib ki, sabah Monteneqronun baş naziri Milo Cukanoviçlə görüş keçiriləcək və bu ölkənin NATO-ya qoşulmasına dair protokol imzalanacaq. Protokola uyğun olaraq, Monteneqro Alyansın iclaslarında müşahidəçi qismində iştirak edə biləcək. NATO ölkələri isə bu sənədi ratifikasiya etməlidirlər. Yalnız bundan sonra yeni ölkə Alyansın tamhüquqlu iştirakçına çevriləcək.
Qeyd edək ki, hazırda NATO-ya üzv olan 28 ölkə var.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.