Financial Times: Türkiyə Suriyanı Rusiyaya güzəştə gedir
Moskva ilə münasibətlərinin yumşalması fonunda Ankara Suriyadakı kürd qüvvələri ilə qarşıdurmada bir sıra güzəştlərə gedəcək.
Virtualaz.org bildirir ki, bunu Suriya müxalifətinin rəhbərliyindəki mənbələrə istinadən nüfuzlu “Financial Times” nəşri yazıb.
Mənbənin sözlərinə görə, Ankara ilə Moskvanın yaxınlaşmasından ən böyük zərbə Türkiyənin dəstəklədiyi radikal islamçı qüvvələrə dəyəcək. “Güzəştlər kürd və üsyançı qüvvələrlə bağlı olacaq. Lakin türklər öz mövqelərindən tamamilə əl çəkməyəcəklər – bu onların strateji maraqlarına cavab vermir”, - “Fastakim Kama Umirt” üsyançı qrupunun lideri İzzəddin ək-Salame belə deyib.
Bununla yanaşı, FT-nin mənbələrinin bildirdiklərinə əsasən, Moskvaya üzrxahlıq məktubunu yollamazdan bir həftə əvvəl Rəcəb Tayyib Ərdoğan suriyalı müxalif qüvvələrlə Moskva təmsilçilərinin görüşünü təşkil edib. Diplomatik mənbələrə görə isə, bundan başqa, Türkiyə Əlcəzair vasitəsilə Suriya rəhbərliyi ilə kürd məsələsini müzakirə edib.
Türkiyə hakimiyyəti bu yaxınlarda kəşfiyyatın Suriya istiqamətinə cavabdeh şəxsini vəzifəsindən uzaqlaşdırıb ki, bu da Bəşər Əsəd rejimi ilə bağlı sərt mövqedən uzaqlaşmağa və hətta Dəməşq rejimi ilə sövdələşmənin mümkünlüyünə işarədir.
“Hər kəs indi öz mövqeyini yenidən gözdən keçirir, çünki hamımız bilirik ki, Suriya üzrə sülh sazişi olmayacaq”, - FT-yə bunu bildirən Rusiyaya yaxın Suriya diplomatı qeyd edib ki, 1 avqust tarixinə kimi ABŞ-la Rusiya arasında sülh sazişinin razılaşdırılması mümkünsüz görünür.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.