İyulda haqqında ən çox xəbər yazılan türk məşhurların siyahısı tərtib edilib.
Axşam.az Türkiyə mətbuatına istinadən xəbər verir ki, Media Monitorinq Mərkəzinin apardığı araşdırmaya görə, siyahıda ilk pilləni iyul ayında 13 illik həyat yoldaşından boşanan Acun Ilıcalı tutub.
TV8 kanalının rəhbəri olan məşhur aparıcı haqqında ümumilikdə 3317 xəbər yayımlanıb.
İkinci pillədə, çıxartdığı yeni mahnılarla gündəmə düşməyi bacaran Tarkan yer alıb. “Meqastar” haqqında ümumilikdə 3141 xəbər dərc edilib.
İlk üçlüyü isə haqqında 3083 xəbər verilən Mustafa Ceceli tamamlayıb.
Qeyd edək ki, 30 məşhurun yer aldığı siyahı tərtib edilərkən 4 mindən çox qəzet, jurnal, televiziya kanalı və 10 mindən çox internet saytında araşdırma aparılıb.


