“Azərbaycan Ordusu hərbi əməliyyat keçirərək Dilqəm Əsgərov və Şahbaz Quliyevi azad etməlidir”.
Bunu Trend-ə açıqlamasında deputat Bəxtiyar Əliyev deyib.
B.Əliyevin sözlərinə görə, bu “məhkəmə qərarı” artıq əsas verir ki, Azərbaycan Ordusu bir əməliyyat keçirib onları terroristlərdən azad etsin: "Necə ki, ABŞ dünyanın müxtəlif ölkələrində əməliyyat keçirib öz adamlarını azad edir, Azərbaycan da belə etməlidir. Əgər dünya buna göz yumursa və bu teatrı qəbul edirsə, bu, artıq heç bir standart deyil. Bu, artıq vəhşilikdir, vandalizmdir. Bunun da qarşısını Azərbaycan Ordusu almalıdır".
Deputat bildirib ki, əslində bu bu cür teatrın qurulmasının təşkilatçıları Minsk qrupunun həmsədrləridir: "Onlar rəvac veriblər ki, bu cür oyun oynanılsın. Bu, birmənalıdır. Əgər onlar beynəlxalq normaları, insan hüquqlarını bu qədər tapdalayan hərəkətə göz yumurlarsa, deməli, onların bu ssenarisinə onlar rəvac veriblər. Amma Azərbaycan öz ərazisində dövlət təhlükəsizliyi, əhalinin təhlükəsizliyi üçün kiminləsə bağlı hər hansı bir tədbir görəndə bəyanatlarla çıxış edirlər və ölkənin daxili işlərinə qarışırlar. Minsk qrupunun missiyası ondan ibarətdir ki, qarşılıqlı inam yaratsınlar, amma bunun əvəzində onlar bu cür oyunlara rəvac verirlər".
Qeyd edək ki, ermənilərin Kəlbəcərdə girov götürdükləri Dilqəm Əsgərov ömürlük, Şahbaz Quliyev isə 22 il müddətinə azadlıqdan məhrum edilib. Trend-in məlumatına görə, bu barədə Ermənistan mətbuatı xəbər yayıb.
Azərbaycanın işğal altındakı Dağlıq Qarabağ bölgəsində keçirilən qanunsuz “məhkəmə” bu gün başa çatıb.
Separatçı rejimin “birinci instansiya məhkəməsi” dekabrın 19-da keçirilən prosesdə “prokuror” Karen Qabrielyanın tələb etdiyi cəzaları təmin edib.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
