"Ay Yapım"ın çəkdiyi "Kara sevda" serialı Cənubi Koreyada Beynəlxalq Seul Dram Mükafatlarının təqdimetmə mərasimində iştirak edib.
Axşam.az-ın Türkiyə mediasına istinadən məlumatına görə, münsiflər heyətinin xüsusi mükafatına layiq görülən ekran işini tədbirdə aktyor Burak Özçivit və rejissor Hilal Saral təmsil edib.
Beynəlxalq mükafatda "ən yaxşı serial" və "ən yaxşı aktrisa" kateqoriyalarında finala qalan ekran işi "Münsiflərin özəl mükafatı"nı alıb.
Qeyd edək ki, 10-cu dəfə keçirilən Seul Dram Mükafatlarında daha əvvəl "Ezel", "Medcezir", "Kara para aşk" serialları da mükafat almışdı.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.