Əfqanıstan prezidenti Əşrəf Qəni hesab edir ki, NATO qoşunlarının ölkədən çıxarılma müddətinə yenidən baxmaq və prosesi sonrakı tarixlərə ertələmək olar.
APA-nın “RİA Novosti”yə istinadən xəbərinə görə, bu barədə prezident CBS telekanalına müsahibəsində bildirib.
Onun sözlərinə görə, göstərilən sonuncu müddətlər doqma deyil: “Əgər hər iki tərəf və ya bir neçə tərəfdaş müəyyən məqsədlərə nail olmaq üçün səylərini birləşdiribsə və tərəqqi tam realdırsa, qoşunların çıxarılma müddətinə yenidən baxılması arzu edilə bilər”.
Ə.Qəni “İslam Dövləti” qruplaşmasından ehtiyatlandığını da gizlətməyib.
Qeyd edək ki, 2014-cü ilin dekabrında BMT Təhlükəsizlik Şurası 1 yanvar 2015-ci ildən Əfqanıstanda NATO-nun yeni missiyasının yerləşdirilməsinə dair alyansla bu ölkə arasında imzalanmış sazişi yekdilliklə təsdiqləyib. 12 min hərbçidən ibarət yeni missiya Əfqanıstan güc strukturlarına təlim keçmək və məsləhət verməklə məşğul olacaq. Bu, qeyri-döyüş missiyası olacaq.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
