2015-ci ilin 1 yanvar tarixinə görə, Azərbaycan Silahlı Qüvvələrinə Yardım Fondununun manat hesabında toplanan vəsaitin həcmi 60 milyon 603 min 102 manat təşkil edib.
Bu barədə Oxu.Az-a Azərbaycanın Müdafiə Nazirliyindən bildiriblər.
Xatırladaq ki, 2014-cü il yanvarın 1-nə Fondun manat hesabında 50 milyon 754 min 514 manat vəsait olub və beləliklə, 1 il ərzində manat hesabı 9 milyon 848 min 588 artıb.
Fondun ABŞ dolları və avroda olan hesablarına 2015-ci il ərzində heç bir vəsait daxil olmayıb və hazırda həmin hesablarda 211 min 791 dollar, avro hesabında isə 593 avro vəsait var.
Qeyd edək ki, Silahlı Qüvvələrə Yardım Fondu Azərbaycan prezidentin 17 avqust 2002-ci il tarixli sərəncamı ilə yaradılıb. Sərəncama əsasən, Silahlı Qüvvələrə Yardım Fondu respublika ərazisində fəaliyyət göstərən fiziki və hüquqi şəxslərdən könüllü olaraq daxil olan vəsait və qanunvericiliklə qadağan olunmamış digər daxilolmalar hesabına formalaşır.
Azərbaycan Respublikasının müdafiə naziri general-polkovnik Zakir Həsənov 26 İyun - Silahlı Qüvvələr Günü münasibətilə Azərbaycan Ordusunun şəxsi heyətini təbrik edib.
Son illərin döyüş təcrübəsi göstərir ki, qələbə artıq təkcə canlı qüvvənin və ənənəvi silahların sayı ilə deyil, texnoloji üstünlük, məlumatın ötürülmə sürəti və idarəetmənin çevikliyi ilə müəyyən olunur. Bu reallıqlar nəzərə alınaraq, Azərbaycanda da müasir çağırışlara cavab verən ordunun qurulması istiqamətində islahatlar davam etdirilir.
Azərbaycanda hərbi xidmətə yararlılıq qaydalarına edilən dəyişikliklər və xüsusilə xəstəlik səbəbindən vaxtilə xidmətdən kənarda qalan şəxslərin yenidən müayinə olunması məsələsi gündəmdədir. Əsas diqqət müalicə nəticəsində sağalan və ya vəziyyəti stabilləşən vətəndaşların yenidən ordu sıralarına cəlb edilməsi imkanlarına yönəlib. Bu prosesdə xroniki olmayan və ya müvəqqəti xarakter daşıyan xəstəliklərin qiymətləndirilməsi mühüm rol oynayır.
